عقاب العنزي
عسى مبروك ياذيب المطيري يومهم اعطوك = بعد منته عضو عادي تبدّل اسمك بشاعر
وذا الحينه بقى لك خطوة ٍ ونقول لك مبروك = على تاج الذهب لوّك جهلت الصرف ياتاجر
ّديب عروا
تبارك لي علي اسمن مايزيد الارصده والبوك=صحيح ان البشر مايحكمون الا علي الظاهر
لك اللة لو يجوني في ذهبها لحذفه لخوك=انا مسلم وملبوس الذهب يصلح علي الكافر
عقاب العنزي
تقوله وانت مبلش لك عرب لين انهم اهدوك = وانا اذكر دايم ٍ تردد عليهم ( ليمتى صابر )
هذا لبس الملوك اللي على وجه القصيد ملوك = يبا يقنعك وقتك كان في ذا اليوم او باكر
ّديب عروا
نسينا ماكلينا يوم تجار الذهب خلوك=ماغير اتقاشر العمده وابولمار والشاطر
ملوك الشعر فالنخبه ماتلبس لبست ام اوروك=تبا تضحك00علي اللي يعرف الربحان والخاسر
عقاب العنزي
نسينا ماكلينا يوم لك ياذيب عشر صكوك = مافيه اسم ٍ ماشفتك به ماغير اتصيح وتناقر
انا والحمدلله لي رصيد ٍ معتبر فبنوك = لكن انته وش اللي معك فالماضي وبالحاضر !!
ّديب عروا
انا افجر فالقصايد لا لقيت الشاعر الصعلوك=وحكومتنا الرشيده ياعنزه ماترحم الفاجر
لو اكشف لك حسابي تكره الاسواق وانا بوك=ثلاث ابنوك تتبعني وبنكك يكسر الخاطر
عقاب العنزي
عليك الهون عان الدرب كله يالمطيري شوك = انا حبيت اذكّر وانت لاناسي ولاذاكر
ثلاث بنوك في صرف النحاس و اقمشه وسلوك = لكن بنكي صرف امن الذهب والدر ياناكر
ّديب عروا
يهون الشوك عند السجن لاحطوا عليك اشبوك=بعدها تعرف ان الحر مايصبر عن الماكر
نحاسن يرفع القيمه ولا بنكن ماغير اعلوك=زبونه راعي الجدعا ورفيع البيت والقاصر
عقاب العنزي
بعد هذي حسافه فيك وزن وقافي المحبوك = اذا مدحت ياساتر واذا سبيت ياساتر
مطيري والمطيري مايخلي دربه المسلوك = لابد يذم ذاك وذاك اذا هو مقيم او عابر
ّديب عروا
ترا منت الجبرتي لاتكاثر قافك المركوك=حروفك يفتح اللة ماتشوق الاذن والناظر
امل فمك ان ذكرت امطير وان سبيت ماسبوك=قبيله مجدها فوق السما ماتشمت الحادر