اسعد نهاري كل ماشفت ريمان= وريمه مع أم الخير ترعي قباله
واسعد لياجاء ني مع الذود سرحان=ودف الحوار وفك عنها الشماله
وحط الفراش وقال لافين ضيفان= ونادى على الراعي وذكى خياله
وجهز دلالاً كلها صنع رسلان=وجهز قدوعه وستدارت دلاله
ودارت سوالف بين ذرفين الايمان=وكلاً يعد افعول جده وخاله
سوالفاً يطرب لها كل ولهان=وليا سمعها الضيف يرتاح باله
سوالفاً تطرد عن الرجل الاحزان=والعلم دايم طيبه من جزاله
والطيبه بين الريا جيل عنوان=تبني لهم في عالي المجد قاله
هرجاً مصرف للنشاما بميزان=وليا هرجه الرجل يطلق سباله
هرجاً مابه زوداً ولافيه نقصان=قدام يهرجه الرجل قد كاله
هذا كلام الصدق ماني بغلطان=قلته وقبلي كم رجال قاله
اخير من قالت افلان لفلان= في مجلس دايم يلم الحثاله
اسج في براً ولو كنت جاعان=والقصر وانا بوك ظل السياله
وختامها عداد براق الامزان=صلو على سيد البشر والرساله