[عبدالرحمن بن حميد]

السلام عليكم ورحمة الله وبركاته

في البداية أتشرف أن أكون أحد أعضاء منتدى قبيلتي

و أتمنى أن تحوز جميع مشاركاتي على رضاءكم و إستحسان الجميع

و هذه قصيدة بمناسبة عطلة الصيف

لاو الله ألا عودة عطلة الصيف = و زادت على القلب المعنا عذابه
و قضيت وقتي بين هم وتحاسيف = أساير الأيام و أنظر جنابه
اللي على شانه ما حسب التكاليف = ولو هو بعيد الدار بطق بابه
فكري معك مركب وسقت المجاديف = و بحر الغرام اللي عبرته مهابه
قربك سعادة للقلوب المواليف = و الجرح في بعدك يزيد إلتهابه
سهرت ليل الصيف أبحث فالإرشيف = أحلى ليال الوصل داخل كتابه
لقيت فالماضي علوم وسواليف = يطرب لها الخافق وتجبر صوابه
روح بدربك لا جرالك صواديف = والله يعين اللي عليه إلتجابه
يالله يا مجر السحاب المراديف = تلهمني السلوان ساعة ذهابه
و متى على الله تنتهي عطلة الصيف = و يزول همي بعد فترة غيابه

وسلامتكم