باروود
زياد الشطيطي غاب له سبعة اشهور = من اول محرم لين نص اشعباني
بعد عودته مابيه ياقف ابطابور = نبا ندخله في قاعة الامتحاني
زياد الشطيطي
تغيّبت لجل يحوم في دارك طيور = وانا من يدورني لك الله لقاني
يا طالب مصيبه كيف تختبر دكتور = ولا لك مع اهل العلم دور ومكاني
باروود
احذرك لا تقرب ولا تباري السور = لا رجعك لمهادك بنتف الاذاني
انا ناوي لي نية ٍ واسمع الشور = اونك من اللي مايبون المعاني
زياد الشطيطي
تهددني وانته غاربك تحت باكور = تطاول هل الطاله بطول اللساني
ترا الحور عند الله ولا عندكم حور = كلامٍ ليا قلته علاه الضماني
باروود
تزيل الجبال وطبع ابو طبيع مخبور = عسى الله يجمّل يوم ربي بلاني
ابشعبك من جدّه ليا حد اباالقور = تجي طوع والاّ بالرسن والبطاني
زياد الشطيطي
لنا طبع ما نقبل هل البوق والزور = ولاهو ضروري يالعتيبي تباني
نبا نركسك من شان ما تلف وتدور = تفلي بمخضارٍ قسم فحلباني
باروود
الا يالشطيطي وش البلا القلب مذعور = هذا بس يوم اوميت بالخيزراني
لواني مانيب اليوم يازياد محظور = لاقلّبك لين اتوب ياقلّباني