بندر المرشدي
مرحبا بالشاعر الي ميزته ما فيه ميزة=لو يروبع فالبيوت ولو يكوسر في لحنها!!
يندهش بالي وأفكر يوم أشوفه في عنيزة=وأتخيل صورته وأبيعها واقبض ثمنها!!
سلطان بن دحيم
البقاء بالشاعر اللي صار في فتره وجيزه = ينقص الوزنه مع اصحابه ليا منه وزنها
وابك رجل(ن) عزيز وديرتي دايم عزيزه = وباني القبه ترا ما احد(ن) سوا شخصه سكنها
بندر المرشدي
الوفاء والطيب طبعك .. ندري انه بك غريزة=مار لا صفت صفوف الملعبة وش معك منها!!
الطريق اللي مشيته خابر ان فيه تغريزة=مار ليتك قبل ما تنشبّها لفيت عنها!!
سلطان بن دحيم
ما عليكم زود مير العلم كله ما نجيزه = وابشر اني كل ما راهنت ناس اكسب رهنها
ما جهلنا فالعلوم وصاحبك صعب تعجيزه = والجنازه يا ولد مرشد يغطيها كفنها
بندر المرشدي
الحوار الهادف ( اسمح لي) ما عندك له ركيزة=خابرينك والنعم .. لكن ما تأمر وتنهى
راعي البل للمزاين ساق من ذوده غزيزة=ولو يموت من الضماء والجوع ما يشرب لبنها
سلطان بن دحيم
يالسنافي تعرف الدولار يسوى كم بيزه = ولا نقص الجره اللي كاثح الجوزاء دفنها
كل نادر فارق (ن) فعله يا بندر عن لزيزه = والعلوم اللي على بطن وظهر ما احد(ن) ضمنها
بندر المرشدي
السفر صعبا على اللي ما معه فالجيب فيزة=وانت فيزتك القديمة ما تعرّف في وطنهـا
طاح صدام الكورلا لو ترهـم فـي قفيـزه=ولو على الحفرة (3) علب يمكن ما ملنها
سلطان بن دحيم
متقنن شغلي واعرف بدايته غير اتهليزه=مير زين تخسر الرجـال لامنـه شحنهـا
والله ان البهبهاني مظهرينه من حفيـزه=ميزوا في مكرم اللحيه وشوفوا من حسنها
بيض الله وجهيكم يالاثنين
على هذا الطاااروق الجميل
وصحت السنتكم
مبدعين مبدعين
| التوقيع |
اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا.
ماني على قربه شفي والاّ على بعده شفوح = الله خلقني مااعترض من صد من كل الملا.
|