قصيدة اعجبتني لأحد ابناااء قبيلة عتيبة المبدعين في شعر النظم واصحاب القصائد النادرة من نوعها ...!!
اليكم القصيدة ::
وجودي وجود اللي فقد له ثلاث اخوان=اليا هملجت عينه ذكر جمعـت اخوانـه
يدوس الفيافي واشهـب الال والجيـّان=واذا ريحّت رجله ترجّل عـن حصانـه
تضيق الوسيعه في حصانٍ يقود حصان=على جرّته سبـع الخـلا حـدّ نيبانـه
ونومه على ركبه وراسه على الذرعان=كما راس حـرٍ نكسـه بيـن جنحانـه
يصوغ القصايد قدح راس وفصيح لسان=واذا صحّ راسه صـحّ مبـداه ولسانـه
انا هاضني بيتٍ سمعته لابـن جـدلان=يسطّـر خفايـا لوعتـه بيـن قيفانـه
وانا مادريت ان الغـلا يذبـح الانسـان=يالين افلست روحي من الزين واحسانه
وعهدي بها ورعه وتلعب مع الورعان=منـول دقاقـة عـود اليـوم رويانـه
اسج القدم مابين بيتـه وخشـم العـان=واحول من الضلـع المسمّـى بجيانـه
وجريره من الحرّه وتمسي على عمّـان=يكـض النحـر ويلـد لفعـول جدّانـه
الادنى غريم وحلّها بالحـدب شامـان=يطيح القضاء لا طاح راسي عن امتانه
ترى مابقى تكفـون ياربعـي العتبـان=سوى ها السنه والا ترى مت من شانه
آخر تعديل عبدالمجيد العطاوي يوم 03-Aug-2009 في 06:00 AM.