ّديب عروا
ياسفير الحكومه مارحمت الرعيه=
الليالي كلتهم والحقوق امغديّه=
وانت ماتعرف الاّ القمع والعنحهيه=
شوف كيف الشقا يلعب براي الشقاوي=
مالوم بعض الناس لاجاه الغضب=مادام ماياخذ حقوقه كامله
ماكنت اصدق فيه يدفعه العصب=وانا علي دين الحبيب اعامله
معجب العتيبي
الحكومه على نهج الرجال الاكارم=
واعيه للردي ومكرّمه للمسالم=
ماحصل حاجه لديوانكم يالمظالم=
شوف كيف الشقا يلعب براي الشقاوي=
الله يبارك فيك ياراع الرتب= سلمتها يمنى الرجال الصامله
ماهيب من عادة عريبين النسب=لكن ليامن جاك كيف تعامله
ّديب عروا
الحكومه ماتدري والبلا فالبطانه=
امنتهم وهم ما يحفظون الامانه=
وان شكينا وطونا تحت حكم الحصانه=
شوف كيف الشقا يلعب براس الشقاوي=
مالله بقابل دعوتك يابو لهب=الخامله تقبل وترجع خامله
لابالله الا صار والكاتب كتب=فالمكتبه تشوف خط انامله
معجب العتيبي
حجةٍ ماعليا اثبات تصبح ظليمه=
ماوطينا الرجال اهل الوفا والحشيمه=
وطينا فوق راس اهل الخزا والنميمه=
شوف كيف الشقا يلعب براس الشقاوي=
السيف ابو حدين سموه الحدب=والهامله تبطي تسمّا هامله
سجل لنا التاريخ مافيها تعب=والا مراسيلك تجينا شامله
ّديب عروا
الحجج كثر شعر الراس ماهي قليله=
لكن المشكله فاهل الكفوف البخيله=
مالي الا اشتكيكم عند شيخ القبيله=
شوف كيف الشقا يلعب براس الشقاوي=
السيف مارد اليهود من العرب=مادام حظ اللي انقله ماقام له
بكره يدوور الوقت وتشوف العجب=اللي رميته فالسجون اتزامله
معجب العتيبي
الحجج للضعيّف مخطي الدرب كله=
مير انا في يدي سفٍ مع الحق اسله=
خلك عنك التلوي وامش دربك ودله=
شوف كيف الشقا يلعب براس الشقاوي=
اخطيت فالتعبير يامال الجرب=الحظ ماله فالشجاعه منزله
ماداملي قلب وعقل وابو عتب=ما اندم على شيٍ بغيته وافعله