عيد العازمي=
بين هاذيّه وذيك المرجله حظي وسمها = كل ماغنّيت قافي تسبقه هيبة وسامي!!
يالجذع سلطان مر البارجه واطرح علمها = الحراسه هيّنه واوصافك اوصاف الحرامي!!
سلطان الجذع=
ماانت بأخذ غير (ربع) .... اليا بغانا نقتسمها = مايعدون اسمك الا من بعد بعض الاسامي !!
كيف ابا اغزي ديرة الكفار وأحطم صنمها = وانت تاركني لحالي في نحر عشرين رامي !!
عيد العازمي=
الذلول اللي عليها ءشداد من قام وخطمها = لاتغرّك نفخة القربه وراع الغرب ضامي!!
الوبا نسمع عنه والدار هاذي ماصرمها = وان نوا يعدي وطنا ميسمي فالنار حامي!!
سلطان الجذع=
ماوسمها غير شيخٍ فاول الغارة غنمها = وارتكى فوق الشداد وشد بيديه الخطامي !!
البلاد اللي تحت ظلي ... مفلي في نعمها = دونها ابا اخدمك .... مادون الحمى غير المحامي !!
عيد العازمي=
يوم ترديد العزاوي والعطاف ومحترمها = اشقر البارود والسيف الحدب دون الجهامي!!
البلاد اللي تظلّك ,لو نعدك من خدمها = بلّغ اصحابك بحد السيف قصاص العظامي!!
سلطان الجذع=
وقتها خابرك فوجيه العرب مدري ذممها = بارك الله فالرجال وفالذخيرة والحزامي !!
ياطويل العمر نفسك كيف توجد من عدمها ..؟= وانت ماجبت الكلام اللي عليه ابني كلامي !!
عيد العازمي=
وقتها نفس الجذع مابعد طاولها نسمها = والعوازم عن قرى الروقه حجا 200 عامي!!
ماتوردك الحبال وبخل نفسك من كرمها = احترق دمي على شانك ومثلي مايلامي!!
سلطان الجذع=
ان فهمها العازمي والا تعدت مافهمها = له لحاله لايعم أبها رفيعن المقامي !!
ماانت الاول قبلك العراف قد فورت دمها = مع طيور العز وش تلحق خفافيش الظلامي !!
عيد العازمي=
العلوم اللي تكدّر خاطرك دورج قدمها = لاجل مره ثانيه تمشي على نهج النظامي!!
آآسفين ال /حالتك مرّه ولاتنكر طعمها = كل ماهبّت صبا شالت مناسيب الخيامي!!
سلطان الجذع=
حد سيفي قبل يكسر عظمها يقطع لحمها = لو بغيتك بالقشر وليت هارب من امامي :) !!
عقب هذي لاتكلف للطراقي وتعزمها = ماتذكرني علومك غير بيتٍ للزلامي !!
عيد العازمي=
الشياطين الرجيمه يالجذع غيرك رجمها = لاتماري بالسيوف اللي على الطاغي سلامي!!
اليتيمه والعيون الذارفه تسقي غنمها = وانت مصلاح الرعيه مار ماسقيت الضوامي!!