عيد العازمي=
السبع سبع الخلا والسبع سبعٍ عجاف= تجمّعت يالعصيمي في مراحك سوا!!
لو يلحق الطيبين من الليالي خلاف = وسط المزون المطر والغيم زاد الهوا!!
سعود العصيمي =
امكمل فالسعي ومكملٍ فالطواف = ماهمني علم عيد وعلم منهو غوى.
اتغلف العلم وانا اعرفه تحت الغلاف = لو شأن وجه الزمن راع الوفا ماهوى.
عيد العازمي=
ياسعود يظهر من الاقوال فيه اختلاف = عد الصراحه واقول سعود ماله لوا!!
اللي يورّا نهارينه علامه يعاف = الكبد تشك العطش والبطن يشك الطوا!!
سعود العصيمي =
بعض الدعاوى مثل خط الهدى لو تشاف = تبا الحقيقة تراك اعلا من المستوى.
ياللي تحرفن ولكن ماملكت احترااف = الحرفنه للطيب اللي يجيب الدوى.
عيد العازمي=
اللي قدم يالعصيمي مايرجّع خلاف = تدور الايام والمارود عد الروى!!
مادام هاذي علومك حط فوقك لحاف = الذيب يقنعك صوته يوم دونك عوا!!
سعود العصيمي =
يويق راس الجبل راع الثياب النظاف = يااللي كليت التمر واكلت معه النوى.
ازريت لا عدّل الاعوج عن الانعجاف = لكن انا من عرض لي بالقشر ماقوى.
عيد العازمي=
ماعاد سد الجبل غير العنا والجفاف = يمكن مع الحزم في تال الزمان استوى!!
اليا رضي صاحبي ترا القناعه كفاف = احفيت الاقدام والسارح مصيره ضوى!!
سعود العصيمي =
سر الزمن ماعلمه مابين نونٍ وكاف = واما تلوّيت ابه والا عليك التوى.
ترا القناعة من كنوزالشرف والعفاف = ياراعي المحتوى هو لك بماهو حوى.
| التوقيع |
اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا.
ماني على قربه شفي والاّ على بعده شفوح = الله خلقني مااعترض من صد من كل الملا.
|