[طارق النفيعي]

مرثية الشاعر: نوار معيش الحشيفاني النخيش

في الشيخ : محمد بن زايد النخيش

رحمه الله رحمة واسعه واسكنه فسيح جناته

يالله ياللي تخلق الكون كله = مافي شيء غير بأمرك ليا كان
يامن صعيب الكرب بأمرك تحله = وتفرج الكربات عن كل كربان
ترحم فقيد ٍ طيب كل وله = يالله عسى له بمنزل الخلد مسكان
راعي العلوم الطيبات المطله = اللي كسب والنعم في ماضي الأزمان
أبو فهد ماله من الناس زله = حلال صعيبات المشاكل بالأحسان
زبن الضعيف اللي يجي مشتكي له = يا كم و كم جاله مواقف وبرهان
شيخ ٍ مواقيف الوفاء عادة له = كسب ثلاث بمال وبجاه ولسان
ياكم فقير مستضل ٍ بضله = عقب العسروالجوع والفقر شبعان
وياكم من أرملة ٍ شكت ضيم عله = سعى لها حتى تمتع بالأبدان
مواقفه بالطيب دقه وجله = يشهد بها التاريخ في كل الأوطان
يشهد بها حبر القلم في سجله = مواقف أهل الطيب للطيب عنوان
ويالله بأمرك ياالاله تغفر له = ساعة يلبس عقب ثوبه بالأكفان
تجبر صواب اللي عزانا عزا ً له = أحفاد بن زايد كريمين الأيمان
هم سيفنا اللي في محله يسله = وهم الخلف في منزلة طير حوران
في ظل حكام الوفاء المستقله = حكام نجد مطوعة كل فتان
طير السعد سلمان حطه محله = ما ضاع شعب ٍ تحرسه عين سلمان
سلمان فتل الراي عنده وحله = وسلمان هو للشعب ملجا ومزبان
سهم المنايا كل وضع ٍ فطن له = ياضع على كل الموازين ميزان
ما ضاع شعب وحاكمه راعي له = ينعم مثل ما ينعم الماء بالأغصان
بأمن وأمان ودين الأسلام مله = يحكم بشرع الله سنة وقرآن
وصلاة ربي عد وبل ٍ يهله = على الشفيع الهاشمي نسل عدنان

الشاعر : نوار معيش الحشيفاني النخيش

التوقيع

أخوكم : طارق النفيعي