يالي عليه أسوق جزلات المعاني والطـروق=من هاجسن ينقى معانيهـا وينقـى طروقهـا
تقول معجب في قصيدي قلت لك ياذوق ذوق=ذوق المعاني قبل لاغيـرك يجـي ويذوقهـا
دايم وحبك فالعروق من الغروب إلى الشروق=يعني أعيشك من غروب الشمس حتى شروقها
اليل لبسك الجديل الي علـى متنـك دلـوق=والنور لبسك البياض الـي تحـت مدلوقهـا
والتوت والعناب في خدودك وفي الشفه يتوق=كنها ينادي الروح من وسط الجسد ويتوقهـا
وعيونك السحر الذي يملا فـودي بالحـروق=لو تطّلع فالقلب والشريـان شفـت حروقهـا
جسمك كما الرسلان ولا مثل ريان العـذوق=وهرجك خلاص أوشيقر إن قام يتدلى عذوقها
أنا أشهد إنك بالمدايح والجزيـلات محقـوق=وأنا من الـي لابغـى يقـدر يـرد حقوقهـا
يروق ذهني ياغـلات القلـب ولا مايـروق=بكتب قصيدي فيك والـذوق السليـم يروقهـا
لبيه ياذيك الرموش اذا العبت زين الطـروق=إذا لعبت في القلب قمت العب على طاروقهـا
ولبيه ياذيك الثمـان الـي تهـادى بالبـروق=قامت تهادى بالبروق وقمت أخيـل بروقهـا
ولبيه يالصوت الأغن الي يسوق الروح سوق=ولاساقني أقامـت الأشـواق فينـي سوقهـا
ياربة الخد الأمين وربـة العيـن السـروق=الي سرقت عيني وقلبي صار من مسروقهـا
عليك اسوق اليوم جزلات المعاني والطـروق=من هاجس ينقى المثايـل ويتنقـى طروقهـا
الشاعر / محمد راشد السندي الغنامي