عبدالله الاصعر=
سلمولي على سعود السلام الكثير=ثم قولوله ادخل صفحـة المنتـدى
جعل فالامر خيره جعل فالامر خير=انت مطلوب والطاروق دوب ابتدى
سعود العصيمي=
ياموصي سلامك وصل والعلـم غيـر=لاتوصي علي انـا استمـع فالنـدى.
سير العلم يالاصعـر يالينـه يسيـر=جعل علمك قدي وانته من اهل القدى.
عبدالله الاصعر=
مانت والله بلاقيلك مفر ومنيـر=وش تسوي ليا طوّل عليك المدى
العرب قبل قالو طير تقدر تطيـر=واخلفو رايهم والراي الاخر بدى
سعود العصيمي=
اترك اعلوم مالك مـن وراهـا فريـر=مانت ويّا العصيمي لن مشى وان عدى.
وانت من رايهم شفنـاك قبـل الاخيـر=ويش رايـك بماسـووه طيـب وردى.
عبدالله الاصعر=
انت شاعر كبير وجاك قدرٍ(ن)كبيـر=ولك فالمجتمع ياسعودصوت و صدى
ماترجيتهـم ولاّ طلبـت المـديـر=احمد الله غني واعمي عيون العدى .
سعود العصيمي=
المهم احسن ولاهو لقـدرك نظيـر=لاتحسب ان ضلع النير مثل الهدى .
قسمك وجاك من عند العمى والبصير=اقتنـع بـه ومافاتـك لعلـه فـدى.
عبدالله الاصعر=
لوّ باعك مع الشعّار ماهو قصيـر=شلت ضلع الهدى لكن مالك جـدى
كلمةٍ جتك ماني بلك فيهـا خشيـر=مير اطعني تريّح واخذ شور الهدى
سعود العصيمي=
العرب يعرفون سعود بحـرٍ غزيـر=وانت لنكان تجهل في سعود انشدى.
لو حظك مضوي لو تمـر ومظيـر=كان يمكن نقول يسد دقنك غـدى.
عبدالله الاصعر=
انت مانت ابّحر لكن الارجح غدير=والمطر فوق جوّك يبرق ويرعدى
هب لو يصبح سعودالعصيمي وزير=قالو الناس وصل سعود للمقصدى
سعود العصيمي=
لاتظلـي مكانـك يافتـى تستديـر=قص لك درب والاّ ريّح من الحدى.
خلني لاوريثٍ لي ولاانت بشويـر=بعد ماجزيت منك الليل يالاربـدى.
بيض الله وجهك يالاصعر وصح لسااانك
حتى ترضى اللعب معك ماينمل،،
| التوقيع |
اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا.
ماني على قربه شفي والاّ على بعده شفوح = الله خلقني مااعترض من صد من كل الملا.
|