مرثية قالها الشاعر : مثيب بن محمد النخيش
في فقيد البجادية والقبيلة الشيخ : محمد بن زايد النخيش
مرحوم ياشيخ بكيت ونعيته =سالن دموعي يوم قالوا قبرناه
كل يعرف اسمه ومعروف بيته =اسمه علم والبيت مدهال من جاه
شيخ علا مع سايرالناس صيته =يالله عسا الجنه مقره ومثواه
شيخ بمعنا الكلمه ليا نصيته =يقضي لزومك والملامه تعداه
شيخ ليامنك نصيته لقيته =نفسه علا كسب الجمايل مضراه
شيخ ليامنك بصوتك نخيته =قال ابشروقال اطلب اللي تمناه
شيخ لياحتجته بحاجه لقيته =لقيت شيخ تفعل الطيب يمناه
اما سمعت الراي منه ورضيته =والا قضا حاجتك بالمال والجاه
ذكره مسجل بالكتاب وقريته =مجالس اهل الطيب تكتب وتقراه
كل يحبه لجل هاذا رثيته =ماقد سمعت اللي يسبه ويشناه
الشيخ بن زايد محمد ياليته =بقي علا قيد الحياه وفديناه
يابوفهد لعل عمر قضيته =نهايته في جنة الخلد ترفاه
ويعمرالله بيتك اللي بنيته =بعيال تشيد ركونه ومبناه
الشاعر
أ. مثيب بن محمد درين النخيش
| التوقيع |
أخوكم : طارق النفيعي
|