حفراوي
انت يامحمد كلام الزور ماتترك سبيله=كل ماخلصت لك كذبه تجيب اللي بعدها
لاحصل لك واحد ٍ يهرج وماقدم دليلـه=لاتضيّع معه وقتك واعرفه رايح بيدها
محمد رشيد
مانقول الزور علمك ياولد دور بديله=والصحيح ان الشهاده تنكتب للي شهدها !!
ماتعرض واحد ٍ في طرقته يومي شليله=وانت كان انك كفو للسالفه جرّب وعدها !!
قمت تجمع لك كلام ٍ مايسـرّك فـي حصيلـه=من يدوّر للحقيقـه عنـد محمـد ماوجدهـا
انـت تعرفنـي مـادوّر للنطيحـه والهزيلـه=وان نطحت القوم باكبر يوم ما انشد كم عددها
ليش تاخذ من حلال القوم يامال العقيله=لاتقول الكلمه الا عقب تحضر لي سندها !!
واهجادك لو اعلم فيك زيزوم القبيله=انت مثل اللي لقا النعمه لكنه ماحمدها !!
ادري انّه يزعلك طيبي ولا في يديك حيله = كيف يرضى الطيبّه شخص ٍ مع العالم فقدها
زاد حملك يامحمد وانت ماتقدر تشيله = والمخايل فوق راسك دوب مادندن رعدها