[مفكر]

لا الكذب ماحد يتفق عليه وقول الصدق مايخلي احد يزعل منك إلا الشخص الجاهل


لكن موضوع المجامله يختلف احيان المجامله تكون حميده طبعا بشرط ماتكون مبالغ فيها


اذا ماتجامل مجامله حميده راح تكون انسان ناشف شوي في علاقتك مع الاخرين ويمكن ينظر لك انك انسان مغرور شوي ويكون لها تبعات عليك


لكن بالمجامله الخفيفه المعقوله الي تؤالف القلوب وتقوى الترابط اعتقد ان مافيها شيء


مثلا لو تقول لحد اصدقائك انت من اعز الاصدقاء عندي وهو مثلا بالنسبه لك في المعزه يعتبر رقم عشرين بالنسبه لك

او مثلا اذا عطاك قصيده وقلت له قصيدتك مكسوره وتحتاج وزن (ولكن بداية حلوه ويمكن يصير لك مستقبل كبير اذا استمريت ومارست اكثر واكثر )



مثل هذي المجاملات اعتقد انها حميده وربما يكون لابد منها لانها تقوي العلاقه ولا تاثر على احد

اما المجاملات الي تقال للحاكم او السلطان او اصحاب المناصب والنفوذ

هذا مو مجامله هذا نفاق وسواء كان مع حاكم او مع صديق بالتاكيد انه مذموم قطعاا

آخر تعديل مفكر يوم 27-Jul-2009 في 12:19 AM.