سلطان بن دحيم
من هجوس اللي يبى راحة ضميره = يا سلام الله عدد ذاري الهبايب
ويش عند القاسمي راع الجزيره = ما وراه الا المشاكل والمصايب
النشمي
ياعسى فالامر ياسلطان خيره = مرحبا رحب الوفا والبال طايب!!
لا تشب النار في جنب الذخيره= انت ودك بالدعاوي والطلايب!!
سلطان بن دحيم
وضعنا مزري ودعوانا خطيره = مشكله حرث القبور ام النصايب
لا تعذرب فالمراهيف الشطيره = والخطاء يزعل عطيبين الضرايب
النشمي
لا تكبرها ترى الدعوى صغيره= هد روحك وترك ادروب النشايب!!
خلها تمشي على فكر وبصيره= وان جهلت انشد من العراف شايب!!
سلطان بن دحيم
انت تدري بالصغيره والكبيره = بس اظنك من كلام الحق هايب
العتيبي تلزمه رفقه وجيره = ما جهل حق الرفاقه والقرايب
النشمي
انت ماراحلك لو حبة شعيره= مار قصدك تشتعل نار الحرايب!!
ليش يابن ادحيم غلطاتك كثيره= رفقتك فيها شوي امن العجايب!!
سلطان بن دحيم
مشكله فالبنك مدري في مديره = فالدروب المظلمه سقت الركايب
لو عنده عرف والله لا استشيره = يا علي وش عاد باقي من غرايب
النشمي
الله اعلم بالخفايا والسريره=والجهل قتال والحكمه وهايب!!
كل واحد عايش اب شره وخيره=والمحبه ماتجي لك بالغصايب!!
سلطان بن دحيم
وينكم يا اهل العقول المستنيره = لايجي فوق الذهب بعض الشوايب
الثبيتي صار مجهول(ن) مصيره = يستر الله لا يصير العود نايب
النشمي
من ورد للرماح وحباله قصيره=انقلب ظامي على كبده لاهايب!!
الثبيتي يكسر القوم المغيره= علم اعتابه بها حاضر وغايب!!
سلطان بن دحيم
االبحر معروف يغرق من يديره = مير وشبك يا بحر هاليوم رايب
كل رجل(ن) يا علي يشعب بعيره = يا كثر عشاق حانيت الذوايب