عقاب العنزي
بعد جينا بمحل الوفا والكرم ياسلامي على اصحابنا الطيبين = يالثبيتي تقدم ورد الخبر يالثبيتي تقدم ورد الخبر
حتى لوّك ثبيتي وشاعر علم منت لاحق فعل ربعك الاولين = لورقيت الجبل او سبحت البحر لو رقيت الجبل او سبحت البحر
ابن سرحان الثبيتي
مرحبا مرحبا مير ماهو عشم .. تدعي وانت في حلة الغانمين = كل ماطال عمرك نشوفه قصر .. كلما طال عمرك نشوفه قصر
وبك سبحان من خالقك من عدم .. وانت لابوك تاجر ولانته ذهين = ولا انا منزلي فوق سطح القمر .. ولا انا منزلي فوق سطح القمر
عقاب العنزي
البقا وانت قمه مابين القمم مير معنا ترى كل قاسي يلين = ياجمال الملك كيف تجهل مصر ياجمال الملك كيف تجهل مصر
منزلك مرتبط وسط ذاك الهرم والهرم له ثلاثه وعشرة سنين = زاح عنكم بعد حل وسط القبر زاح عنكم بعد حل وسط القبر
ابن سرحان الثبيتي
بينكم جيت وانتم قمم والنعم .. وان رمانا علاك الزمن قانعين = ابشربها بعد دست فوق الخطر ابشرابها بعد دست فوق الخطر
الصقر يخر الصقر ولا الرخم .. اعرفه لاتعرضلي بحاجتين = قلت الحيله وعلة فالنحر قلة الحيله وعلة فالنحر
عقاب العنزي
ان رماك الزمن مالحقنا ندم ان بغيتو قشر ولاّ سمن وسمين = واحده فالبطن واحده فالظهر واحده فالبطن واحده فالظهر
يوم دوّرت الاسما يامال الشحم مالقينا لك اسم فبدر او حنين = ياعسى اقرا لك اسم بحنين وبدر ياعسى اقرا لك اسم بحنين وبدر
ابن سرحان الثبيتي
كم وكم في سمانا سطع من نجم .. يلوي ارقابكم لابدى كل حين = عان سلطان واسعيد فالمؤتمر .. عان سلطان واسعيد فالمؤتمر!!
وانت في مدرستنا سفير العجم .. نجمكم مختفي في كلا الفترتين = فاول الشهر ولا في تالي الشهر .. فاول الشهر ولا في تالي الشهر
عقاب العنزي
مسجد الراجحي مهو مثل الحرم عان يامكبر الفرق بالمسجدين = ولو جمعت الثنين مارتفع لك سعر لو جمعت الثنين مارتفع لك سعر
من قديم الزمن شعرنا منظلم يوم الاعلام مد إلك كل اليدين = مير ذا الحين زان البخت والدهر مير ذا الحين زان البخت والدهر
ابن سرحان الثبيتي
لاضربناك بالسيف قلت انثلم .. وانت تحت الرحا صار حبك طحين = مير ماعاد به ذنب بعد الكفر .. مير ماعاد به ذنب بعد الكفر !!
من رقى سلم المجد جاله اسم .. وانت تدري وحنا بعد خابرين =ان طلعنا الجبل طحت بين الحفر .. ان طلعنا الجبل طحت بين الحفر !!