يالربع هذي الابيات انا اللي كتبتها والحقيقة انها اول ابيات اكتبها واللي عنده ملاحظات على الابيات يبديها وانا اتقبلها بصدر رحب وهي اوصي فيها ابني فهد اصلحه الله إليكم الابيات
يافهد
يافهد جعل الله يطول سنينك = يحفظك وال السماء رب البريه
يحفظك ربي وتبقى لوالدينك = وانت بافضل حال واحسن مقدريه
يافهد بوصيك في دينك ودينك = لاتفرط فيه وتضيع الوصيه
أحفظ القران وادرس مايعينك = من كتاب الله ومن سنة نبيه
واكرم الظيفان لاجو منتصينك = اكثر الترحيب من نفسن رضيه
ثم قادم حايلن تطلق يمينك = لاتقصر في لزومك لوبليه