حمد جوباااح =
الا يا ما اكثر الترحيب يا سلطان ابن عساف=ولا حصّلت فالترحيب لا حلـوه ولا مـره
تحسب ان الدعاوي كلها مع مطلق وصيّاف=وأنا جبت إلك دعوى بارده وقلوب محتـره
سلطان الجذع =
لقيت اكبر من الترحيب وفعول الرجال تشـاف=100 مره تجيني وانت ماجاتـك ولا مـره !!
قبل حكم القضاء غابوا شهود العدل والانصاف=غلط من حدد عتيبة من (العارض اليا الحره )!!
حمد جوباااح =
تجيك المعرفه بظروفها واسمع من العـرّاف=كلام الليل يمحـاه النهـار وتثبـت الجـره
انا قد قلت لك قبل النتايـج حـدد الأهـداف=واثرك اللي نقص خيره وزاد الناس من شره
سلطان الجذع =
انا ماشفت زولك بينهـم تسعـى ولاتطـاف=مع الحيين ياذكر الشهيـد محمـد الـدرة !!
سرايا الجيش قادتها قدم ,, والا الجنود خلاف=هم اللي حجم الاثقل بينهم مايازن الـذرة !!
حمد جوباااح =
انا راعي رحى مانيب وسط السوق بالأصناف=تدور إبكم رحاة السوق يا شعيره ويـا بـره
عسى ماهي قيادة بهرجه يا محمد الصحـاف=تصيح إلك العراق ولاش عندك كـره وفـره
سلطان الجذع =
على الله ياميسّرت الركايب والحمول خفـاف=نفود السر في يوم المزاين من عرف سره !!
يابن جوباح زال الخيل قرح والسيوف رهاف=مااحد غيري بنازل في عفيف وعبلة البره !!
حمد جوباااح =
يقولون العور من علته شاف السمان عجاف=ولو نكحل عيونه ما نفع شوفـه ولا ضـره
ترا مثلك شريف ومنزلك في دولة الأشراف=ولكن ما رضينا تدخلون النـار فـي هـره
| التوقيع |
اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا.
ماني على قربه شفي والاّ على بعده شفوح = الله خلقني مااعترض من صد من كل الملا.
|