صالح سالم =
اسمعو يا حضرت الشعار في منزل عتابه=عندي العلم اليقين اليوم ماهو مع جهينـه
جيت ابشغل فكر وانقض فتل وادون كتابه=وانفرد بالسيطره واشيل ربـان السفينـه
علي بن عمير =
سامع ٍ صوت الرعود وشايف ٍ برق السحابه=مير ماشفت المطر حول على سطح المدينـه
كل سيفٍ ياطويل العمر جوده مـن نصابـه=والسفينه فالبحر واللـي يجيـه الله يعينـه
صالح سالم =
يـوم جيـت بوجهـة الدفـع وحبيـت المجابـه=احتمل يابن عميـر الضـرب بسيـوفٍ سنينـه
كـان تبغـى الخيـر جنبنـي وعـود للنهـابـه=وكسب اكسب من ضيوف اهل الحرم واهل المدينه
علي بن عمير =
جيت مثل الضلع راسي والجبل تقنب ذيابه=وانت مثل الموتر اللي ترتجف فيه المكينه
صاحبي لابس ثيابي مير انا مالبس ثيابه=فك نفسك لاتوسوسلك شياطيـن ٍ لعينـه
صالح سالم =
نطلق الخطوه على الكون الوسيع بلا مهابه=وانت خلك عن يسار الدار والا عن يمينه
لو تعدينا حدود الكون مـا فيهـا غرابـه=مالكينٍ شي يابن عميـر مانتـم مالكينـه
علي بن عمير =
سيّر ابكل البوادي بس روحه وانقلابه=وان تعمدت الخطيه تنحبس مثل الرهينه
كونكم ماينبغي والناس مدري وش تبابه=وسط حره مجدبه ولا نفـودٍ خابرينـه
صالح سالم =
كيف جبت الحكي وانت الدار ما دقيت بابه=لا تنسيك الصراحه ياعلـي حـر الغبينـه
تدري انك تستحق بمثلهـا حـد الحرابـه=وانت شاعر مقصدك سامي ومكسبك الثمينه
بيض الله وجيهكم يالثنين
طااروق رااائع
صحت السنتكم.
| التوقيع |
اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا.
ماني على قربه شفي والاّ على بعده شفوح = الله خلقني مااعترض من صد من كل الملا.
|