سـعـد الـعـصـيـمـي
ابوطايل يسمى هرّش والله لا يضّر الهرش=خبط كفه على ضلع القرود وجاك بقروده
وكول ولا يوكل ياكل العظم ويعرشه عرش=ولامن غاب الاقصى والموالي ياكل عضوده
سعود العصيمي
تقول الهرش مار الهرش لولا الهرش مابه طرش = ومن يخبطه كفه مايروده عاد ويعوده.
واناخابرك شاعرعود وتخرشه بلحنك خرش = وقصدك نعرفه وسعود تعرف ويش مقصوده.
سـعـد الـعـصـيـمـي
لو ان الهرش هز الارض ماتنزل ملوك العرش=تكفيه الجنون اللي تجية الليل وتقوده
انا ماني بغافل عنك جبت القرش فوق القرش=وصرتك القديمه ناقصه ماهي بمزيوده
سعود العصيمي
جنون الليل تمرشها العصا وانته تبا لك مرش = تبا لك ريع تخرج معه والريعان مسدوده.
تبا تجلس ونجلس في محل العز فوق الفرش = وانا ماصر غير الملح للعدايه وباروده.
سـعـد الـعـصـيـمـي
انا شفت الظهر محتوت غزله والمقـادم حـرش=واظن الهرش يشعب بالعصا والجن مقروده .. !!
عدوك حوت ً أسود مايفكك منه غير القـرش=واظنك مانسيت الماركـة والصنـع والجـوده
سعود العصيمي
لياشفت المقادم حرش تلقى المشكله فالكرش=على ماقيل علـه باطنيـة يمكـن الـدوده.
عطيتك ماكتب لك مار ماتترك شراب الغرش=طبوع الحضرمي ماتختلف ورثه من جدوده.
| التوقيع |
اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا.
ماني على قربه شفي والاّ على بعده شفوح = الله خلقني مااعترض من صد من كل الملا.
|