[عمر الدغيلبي]

السلام عليكم ورحمة الله وبركاته



أسعد الله مسائكم وصباحكم بكل خير



هذه القصيده كتبت في صديق الروح


حين أتاني يشتكي جور الزمان



فقلت له :

ياصاحبي وان كان ضاق الصدر لا تحمل هموم = عنّز عليّه والهموم اللي تجيك أشيلها
ما دام مثلك لا دعيته فاللوازم لي يقوم = قرم ً يناطح للصعاب وفي يده تسهيلها
أبشر بذيب ٍ معك فالشده وفي وقت اللزوم = يفديك وثقال الحمول المهلكه يرسيلها
يفديك لا منك زهمته في دفاع وفي هجوم = ماهمته نفسه ولو هو حاين ٍ ترحيلها
صاحبك للخوه يصون وحافظ ٍ عهد وسلوم = للرفقه اللي لو يدور الوقت ثابت حيلها
وليد يا القرم الشجيع اللي على الوقفه يروم = الصاحب اللي رفقته مامثلها في جيلها
لا جار بك وقتك واعز الناس خلاك مهدوم = نذر ٍ عليه يالعقارب ذيك لا أقطع ذيلها
اللي كسرك اكسره كانه هاوي ٍ كسر الخشوم = إلين يعرف غلطته و يعوّد لتعديلها
اللي يقدّر صاحبي نحسبه من عد القروم = واللي يضرّه نفسه العوجا مسوّد ليلها
وليد وان جارو عليك الربع انا لك و مخدوم = ما أعدك إلا قطعة ٍ مني وصعب أزيلها

وسلامتكم

التوقيع

في منتدى الهيلا زحول الرياجيل = بيت القبيله و النشاما إرواقه يزينه حرصه لزين التماثيل = ويجمله نبذ العلوم الدقاقه