[متـعـب المهيدلي]

المشاركة الأصلية كتبت بواسطة عتيبي للابد

شليويح العطاوي علم من اعلام عتيبة و فريسها يسولغون لنا شيابنا عنه و عن قصايدة منذ الطفولة

بس يا اخوان ممكن اعرف كيف مات لانه في منتدى القحاطين يدعون انهم قتلوه و هو يحوفهم و ان اللي ذبحه ابن شلفوت و هو صغير سن و شيابنا قالوا لي انه مات شيخ كبير في السن و لم يقتله القحاطين,

الافاده خصوصا من ذوي عطيه و شكرا

شليويح قتلوه الشفاليت شيوخ عبيده من قحطان

في غاره لذوي عطيه على عبيده بالقرب من شقراء في مكان يسمى اوشيقر ( قرية اوشيقر حاليا) بالقرب من الرياض وهو المكان اللي قبر فيه شليويح


وفي هذه المعركه قتل من قحطان الكثير وايضا اصيب فارس المهادله بن خنيفيس

ورثا بخيت العطاوي اخوه شليويح يقول
جعل السحاب اللي تزايد خياله .. يسقيك يا دار سكنها شليويح
عساه يسقي من اوشيقر شماله ... يسقيه من غر المزون المراويح
ياوي رجل كامل فالرجاله ..من نشوته ناش على هبة الريح
ليته مع الحيين و انا بداله .. و انا فدايا مرذي الفطر الفيح

وتم اخذ الثار من ابن شفلوت وقتله بخيت العطاوي وابن خنيفيس سويا حيث اشترك في جسمه رمحين

ويقال ان ابن تنيبيك قتل احد فرسان ال سعد من قحطان وهم من عبيده بعد مقتل شليويح بفتره ويقال له ابن مريحه ثارا في شليويح ولا هي غريبه على عتيبه