[عمر الدغيلبي]

السلام عليكم ورحمة الله وبركاته


أسعد الله مسائكم بكل خير

أعرض لكم هذه المساجله الشعريه

التي جرت بيني وبين الشاعر / محمد بن مطلق الدغيلبي

والبدايه كانت مع الشاعر محمد بن مطلق الدغيلبي

حيث أرسل إلي قصيدته ويقول فيها :

راكب اللي وإن مشى يدوي  زفيـرهوارد    اليابـان    قطـاع    الخـرايـم

من طراز الشاص  والضامن  خبيرهعن  صقيع  البرد  وحرور  السمايـم

وردوه   المملكـة   شبـه    الجزيـرهمنوة اللي  عن  محل  الهون  شايـم

نصه  الخفجي  غلا  عن  كـل   ديـرهواحدن  للمرجلـه   والطيـب   رايـم

ياعمر  لو  صارت   الدعوى   كبيـرهمايحل   المعضلـه   غيـر    الصتايـم

ياسفير  الطيـب   مـدري   ياوزيـرهالوكاد  انـك  محـل   الطيـب   دايـم

صاحبك  خلا  الهوى  روحه  كسيـرهموق عينه  عن  لذيذ  النـوم  صايـم

سبة  اللي  مالكـن  قلبـي   واميـرهمن فراقه صارت اضلوعي  حطايـم

ماهوى  قلبي  من  الخفـرات  غيـرهميـر  دون  الزيـن   نقـال   النمايـم

واحدن  عندالقفى   يشعـب   بعيـرهكاشف  الغـرات  ملعـون  الرسايـم

يا  عريب  الجد  ما   دونـك   ذخيـرهوانت ذخري عقب ما شفت الهظايم

إن فقدت السيف  لا  تنقـل  جفيـرهوأنت سيفي  كان  طشينـا  العمايـم

فرددت عليه وقلت :

مرحبا   ترحيبة   ٍ   يمك   مغيرهمرحبا   بالذيب   كسّاب   الغنايم

جتني  بيوتك  و   بالمبنا   خطيرهجعل من خط البيوت يعيش دايم

يابن  عمي  مثلك  يحل  العسيرهياولد  من  حط  للضيف   الولايم

ياشبيه  العود   مدري   ياخشيرهبالفعايل  و   المواقيف   العظايم

جيت تشكي من علاقات ٍ  مريرهجيت قلبك في بحور الحب  عايم

كان  قلبك  فالهوى  خلك   يديرهاتركه ما  للهوى  و  الحب  سايم

راعي  الفتنه  ترى  يده   قصيرهمايدس  السم  كان  الزين  هايم

ياحزامي راعي اليمنى  الشطيرهمحزمك عند الطلب حاظر وقايم

ان   نخيته   فالمواقيف   الكبيرهطش لك ما يملكه  قبل  العمايم

ياولد من هو على  العليا  مسيرهمطلق  ابن  حمود  نزّاح  الزحايم

من ختاريش ٍ لها فعول  ٍ  شهيرهروس قوم ٍ  ما  يعرفون  الهزايم

من بني منعر  مطوعة  العسيرهعزوة خزام الشجاعه  و  الكرايم

وسلامتكم

التوقيع

في منتدى الهيلا زحول الرياجيلبيت  القبيله  و  النشاما  إرواقه يزينه   حرصه   لزين    التماثيلويجمله   نبذ    العلوم    الدقاقه

آخر تعديل عمر الدغيلبي يوم 02-Jul-2009 في 12:24 AM.