[فـارس الـهـيـلا]

بسم الله الرحمن الرحيم

اسعد الله مسائكم اخواني اعضاء منتدى الهيلا

اقدم لكم قصيدة للشاعر / راضي بن دبيان العنزي

في الشيخ مثعي بن ضيف الله بن مثعي الغربي شيخ قبيلة الغربية

يالله يا معبود رازق عبيده= يا معتني بالخلق يا ساتر العيب
قلت القوافي من ضميري جديده= يا معتني بالخلق يا ساتر العيب
تفوح من صدري حروف القصيدة =متزاحمات(ن) باغيات(ن) مطاليب
قالن لي امدح بالرجال الحميده= تاريخ خله لهل الفعل والطيب
هل الوفاء وافين والعلم زيده= لهم على جميع الغنايم مكاسيب
عتيبه الهيلا بالمواقف عنيده= إسأل عن التاريخ والعلم به جيب
مروين سيوف الغلب مع حديده= يا جاء نهار(ن) يشبع السبع والذيب
شكراً لبو تركي كثير(ن) رصيده= نسل الحرار معرّبن بالمجاذيب
الطيب سندى والمراجل آكيده= وأنتم يا مثعي عليها مراقيب
متوراثينه من عصور(ن) بعيده= قبل عصر حاتم وجساس وكليب
والله لو أمدح ماتكفي النشيده= يلي على الطوله تحث المناديب
نعم على نعم أقوله واعيده = نعمن بكم يا طيبين المناسيب
ابو عبدالله عز من هو عضيده = أبشر ليا جيته بكثر التراحيب
حر(ن) طلع رؤس المراقي البعيده = على العوالي يعتلي له تجاريب
كفك على كسب الغنايم شديده = يالهيعلي مافيك شك(ن) ولا ريب
المرجله ما كل رجل(ن) يجيده = إلا صليب الراي عطب المضاريب
جيتك وانا قلبي همومه تزيده = من هاجس(ن) هاجوس جاء له لواهيب
منهن غدى صدري سوات الوقيده = وصارن على قلبي سوات الكواليب
وفرجتها من عقب ماهي شديده =يا طير شلوى يا قليل العذاريب
وعسى حياتك يالسنافي سعيده= يالطيب اللي وافي بالمواجيب
وكل العتيبي ميزة(ن) به فريده = اليا نخيته علق التاج بالطيب
هذا الكلام اللي عليه الوكيده = ماهو كلام مخادعين الأكاذيب

تقبلوا تحياتي