كبتن عتيبه
سلام رديَّةَ تسبق مهدات اشقر الريش=واسبق من السيل لا منّه حدر مع كل وادي!!
يانخيش بالعافيه تصبح نخيش وتمسي نخيش=وتروح عادي وترجع يامحمد شي عادي!!
محمد غازي النخيش
اهلا هلا مرحبا ترحيبة لو تضرب الجيش=ماكمل الجيش مشواره ولاطق الزنادي
انخيش بالمعرفه والمرجله ضمن المداغيش=رح واستمع زين ياكبتن عتيبه كل رادي
كبتن عتيبه
يا ما تعبنا على دربك وتعبنا المطاريش=كلٌ ينادي ولكن.. لاحياة لمن تنادي!!
ماودَّي براعي الفطحه يعوَّد للعراميش=ولا ودّي أن الخبل يصبح على ظهر الشدادي!!
محمد غازي النخيش
يالعارفه ماتشوف اني تورسلت المحاريش=انكان ماشفت يالكبتن تريح فالبرادي
اتعيش قوم الكرم ويهان لباس الطرابيش=دستور فالوقت ماينزاح ياراع الجوادي
كبتن عتيبه
أنته تورسلتهم لكن ماندري على ويش؟=بعض التورسل مايحسب لاصباح ولا هجادي!!
في كل عشرين كيلو نقطه ومركز وتفتيش=يالطرقي اللَّي مسافر من بلاد اليا بلادي!!
محمد غازي النخيش
اتشوش الوضع ياكبتن ولو مافيه تشويش=زيد المعاني وراع المعرفه بالعرف زادي
معي جواز السفر ماني مكلبش بالكلابيش=ومطبق سنة الهادي محمد خير هادي