علي فلاح العضياني
يالاصعر الخوّه تحكم الرجل والطرقه بعيد=خلّك خويٍ نظرته قدام ما ينظر ورى
إليا نشدّتك عن علومك قلت : و الله لا جديد=و الناس وصلت للثريا وانت قاعد فالثرى
عبدالله الاصعر
خوة طليقين اللحا والعرف والراي السديد=تشرى وخوة قاصرين المعرفه ماتنشرى
ان كان طرت عن الثراء يارجل مانت بمستفيد=ما معك حيله لو تطلّق من وثيقات العرى
علي فلاح العضياني
دمّك ليا منّه جمد ما عاد يجري فالوريد=ريّح ضميرك ثمّ لو إنّه يبا يجري جرى
حنّا رقينا للمعالي و الهقاوي في مزيد=و انته كما اللي جا من الطايف محوّل مع كرى
عبدالله الاصعر
دم الجمل دايم ثقيل ولن هدر باسه شديد=ليا جرحله جرح في راعيه يبطي ما برى
تعلم النشمي وسلطان الجذع وبن رشيد=ان كان ماقالو قوي عزوم ما ارد البرى
علي فلاح العضياني
لا وا حليلك يا بعيرٍ طاح مع درب المديد=من كثر ما شدّوا عليه حمول فالوقت انهرى
ماني بناشدهم وانا اللي عندي العلم الاكيد=انته و انا عشنا سنين طوال وسط امّ القرى
عبدالله الاصعر
قول الصراحه والحقيقه لا يغويك المريد=ترى البعير شعيل عن جور الحمايل ما درى
اجل لا تنشد يا وسيع المعرفه خل الجحيد=مدام انا وانته سوى فالزاد والملح اخشرى
علي فلاح العضياني
الوقت الاقشر حطّ بيدينك و رجلينك حديد=و الظاهر إنّه بكره يلصق لسانك بالغرى
فصل الدراسه يجتمع فيه الذكيّ مع البليد=و اللي قرا ماهوب يالاصعر كما اللي ما قرا
عبدالله الاصعر
والله ما يبقى واحدن ماحط في رجليه قيد=ان كان قيدني وانا رجال ماعرف الزرى
يالطالب اللي لك ثلاث اسنين قي فصلك تعيد=وليا نشدتك عن نجاحك قلت مقبل فالسرى