[معجب العتيبي]

العمــــــدة

البعير اللي منوّل يا عتيبــــــــة فيه خله=يرمح الوبال ويسالم ليا جــوه الشواوي
جاه دكتور الجروح اللي يداوي كل عله=واعتدل مشيه ولكنّه جحد فضل المداوي

باروود

ان هدر ولا رغى ماصار مكتوب وحصله = خابرين المارتين ورميها ماهو سماوي
ياعميد المعرفه لاتصرم احبال المظله = خلها تحت السحاب وفوق جيّان الصداوي

العمــــــدة

لد عينك للسماء صوب النجوم اللي مطله=المطالب ما تحقـــــــق بالتوجــــد والمناوي
فيه صورة مرها القاري على صــدر المجله=حيّرت عقل الفقير وهيضت قلب الغناوي

باروود

خابرك ياصاحبي ماقد عداك الوسم كله = وانت تدري مابعد الهومات ياكود النداوي
كان شفت اللي حصل لكن ماصار ابمحله = لا تحسر وانت من ترثت بعيدين الهقاوي

العمــــــدة

ماعلى نفس الكريم اللي يعدل كل زله=مشربه صافي وميراده على العد الرهاوي
المصيبة فالقلوب اللي تقف ماقف مذله=وان عذلناها تشكوى من كبيرات البلاوي

باروود

دام كلٍ ياحكيم الراي عقله جايز له = ما يهاب امن المياسم كود من ذاق المكاوي
من وقف بالماقف الغصاب يرجي فزعة له = جعل ابو حدين بين اضلوعه الحدب امتهاوي

العمــــــدة

روح يا بارود للجاحد ودوّن في سجلـــه=لمسة الكف الحنون وجفوة الكتف العماوي
اربع اشهر ما انقطع وبل المزون المستهله=مار عيا ينبت النوار فالواد السناوي

باروود

ليت يسمع هرجتك هذي مذيع المستقله = ويدري انا مانوينانقطع احبال الرجاوي
والله انه لويطول الليل معكم مانمله = ياوسيع المعرفه هذا الذي بك كنت ناوي

التوقيع