علي فلاح العضياني
يا ناصر المرشدي صايبك حالة فتور=و اليوم نفسك عسى الله يجبر مصابها
الشاعر اللي عطاه الله حسّ و شعور=الموهبه ما يقفل دونها بابها
ناصر المرشدي
عيّت عن الغصن الاخضر لاتطير الطيور=شعورها اللي قبل ماعاد ينتابها
يالفالح العالم الحيين وسط القبور=لو ترفع اصواتها وتفتل اشنابها
علي فلاح العضياني
ثلاثه شهور غايب في سجل الحضور=غيبتك لو طوّلت ندري عن أسبابها
لو تسلم من الكبر و الغطرسه و الغرور=كل الرجال العوارف تكسب إعجابها
ناصر المرشدي
عل حساب القناعه مانحب الضهور =يوم ان حضّارها ماسد غيابها
تبكي علي المعاني في حروف السطور=اللي بعد غبت ابو عرام غنابها
علي فلاح العضياني
بعد دهنا يمينك من سنام الجزور=الوقفه الطيبه ما تحسب حسابها
ما في ضميرك و ما في مخ راسك يدور=أوهام من طبعها تضحك على أصحابها
ناصر المرشدي
تضيفون الضيوف ولاعليكم قصور=يالخيمه اللي جمايلها على اطنابها
كم لك تحث العمانيه ودمك يفور=وام الكباير على راسك بمشعابها
علي فلاح العضياني
حنا لكم فالطريق مسهلين الامور= لين السفينه ركبتوا ضمن ركابها
عاين دمي الحباري في كفوف الصقور=ياللي تمر اليالي ماتعشابها
ناصر المرشدي
لو كان خاويتنا ناخذ ونعطيك شور=اللي على الدرب تقعد مادرينابها
ماعاد خلا العقاب الا بقايا وسور=وان هازها عافها ماعاد يلقابها