[علي الثبيتي]

المشاركة الأصلية كتبت بواسطة ناصر حامد الثبيتي

السلام عليكم ورحمة الله وبركاته

ابدى بذكر اللي لنا دوم رحمان=له حكمةٍ فينا وحنا له اعباد
بدعت انا ابياتي وقولي بميزان=تاريخنا موثوق في كتاب باسناد
ربعي بني ثابت وياساس عتبان=يامكرمين الضيف بالهيل والزاد
منزالنا في ديار خيرٍ وسفطان =في بن سعد منزالنا الكل رواد
يلقى بها من يلفي الدار مزبان=منزال شيخٍ له مكانه واحفاد
ضيف الله العفار ينسب لكرزان=كرزان الاد ثبيت ساسٍ وميلاد
ساعة تولى نجد واعصف بقحطان=امخيلٍ برقه ورى البرق رعًاد
وقاضي عتيبه كان يحكم لعربان= لجل العرب ترضى بحكمه ومعتاد
يحكم وحكمه بالمعاديل برهان =ماعاد به ضالم ومظلوم ماعاد
وديارنا بالسيل لن جيت عطشان =تروي ويروى كل ضامي بمجباد
وقت الحرايب نغتنم دون خسران=ومروضين اشيوخ لا راحت اعناد
الخيل نركبها ونفخر بفرسان=لا صكَت وضكت لها قدح وزناد
رجالنا لو هو دخل وسط الاكفان= ارهب عدوينه وحقق له امراد
كل القبايل تفتخر دون نقصان= تلقى لهم تاريخ والصيت بامجاد
والختم صلوا عد ماطار شيهان=على النبي محمد لنا سيدي هاد

قصيدة مدح حاولت ابحث عن قايلها ماحصلت للجواب حتى الآن
من عنده الجواب فاتمنى مايبخل به علي وتقبلوا ودي وكل التحايا

الاخ ناصر ياليت تفيدنا كيف حصلت على القصيده هل من كتاب او مجله او منتدى حتي نقدر نبحث عنها
ملاحظه القصيدة يتبين من احد ابياتها انها جديده

والدليل هذا البيت
ضيف الله العفار ينسب لكرزان=كرزان الاد ثبيت ساسٍ وميلاد

التوقيع

ماني بلا روقي ولا برقاوي = انا ثبيتي جد روق وبرقا