العازمي=
الديـار المدهـره جتهـا سحابـه وغسلتهـا=حظ ناسٍ قاطبين البيـت فالـدار المضامـي!!
يارعد من دون مزحـم لـو تقـدَّم عارفتهـا=من حساسه مايطير الكحل من وسق السنامي!!
العمدة=
الحظوظ اللي نظام السحب كله من تحتها=غانمة في كل حين وزايدة في كل عامي
والمطية دام عرقينا الوسم فوق رقبتهـا=خل كحل العازمي ما دام ما يوزن جرامي
العازمي=
الرحاه اللي صخور طويق من قو ءطحنتها=قبلها يابعدها موفور ياريـش النعامـي!!
بارك الله في رجالٍ فالمواقيـف اعقلتهـا=ماوسمتوها نهار الدم والميقاف حامـي!!
العمدة=
كيف تطحن فالصخر والسيل غدوة مكتحتها=حلم قيلولة وعند الشيخ تعبيـر الحلامـي
لو نوزعها ونعطي كـل سلعـة ماركتهـا=ما لقينا لك ولا كرتون يا راعـي جهامـي
العازمي=
لاتضيـع ولاتـذم اللـي عـن الميـل عدلتهـا=وان جهلت اقول صاغر سن في عصر السلامي!!
شرهتـك ماهيـب يمّـي يـم لحيـه ماحمتهـا=ماشربنا من شرابك لـوّ تاكـل مـن طعامـي!!
العمدة=
ساترين الناس مار الريح جتنا من جهتها=ان وليناها زريةً وان تركناهـا حرامـي
كل قوم ليا بغيت اعطيك نبذة عن لغتهـا=ما جهلت قسومها ورسومها قبل الامامي
العازمي=
لاتقول ارجوك لين ألحـق علومـك سابقتهـا=ماولانا اللي ولاك وصار من دونك محامـي!!
التواريـخ القديمـه فيـه نـاسٍ زورتـهـا=لين صار اللي خلاف الصف بالصف الآمامي!!
العمدة=
شب نارك مار لا تعمس عيوني بدخنتهـا=ثم تطلع شمس ويبين الشداد من المسامي
الزلامي حافظ الاسـرار وحبيـب نكتهـا=يسطي حبيب ولكن ما سطا قلب الزلامـي
العازمي=
الغصـون اللـي تضلّـك للهبايـب طارفتهـا=في نهار الصبّ يالعمده على روس الضوامي!!
الحقيقـه والصراحـه خاتمتـهـا خاتمتـهـا=ماشكى جور الهبايب غير بنّـاي الخيامـي!!
العمدة=
ذعذعت مار الجبال الراسية ما حركتهـا=والخشوم العرم من شلفاي فارقها العرامي
كف عيد العازمي يوم احتمى الماقف كفتها=وسط جيبه والا انا كفي قريبه من حزامي
| التوقيع |
اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا.
ماني على قربه شفي والاّ على بعده شفوح = الله خلقني مااعترض من صد من كل الملا.
|