عبدالله الاصعر
يالعصيمي والله اني ناوي لي فيك نيه=ناوي لي نية ياسعود عند الله خبرها
ليش يوم اتقابل الرجلي على وسق العبيه=ماذبحته قبل بيدينه يقضك عن ضهرها
سعود العصيمي
ان نويت ابنية قشرا سقيتك سم حيه = وان نويت النية الحسنه تعداكم خطرها.
ماغدا لي مع جهينة لاكثير ولابليه = مار بعض الناس يارجال خاينها نظرها
عبدالله الاصعر
ياسعود انته تقول انا شجيع ولاعليه=والجباره في يمينك والسبب رجل كسرها
ما غدالك شي وانته مفلتن حبل المطيه=لين زعلت القبيله شيخها على جبرها
سعود العصيمي
انت لو انك فعلت فعول نعطيك الهديه = مار اثرك اللي نهار الغب يالاصعر ذكرها.
مانفلت حبل الذلول اللي مجودته يديه = والقبيلة راضية عني ومثلك مانصرها
عبدالله الاصعر
والله اني ياطويل العمر في راسي حميه=جيت ابا اعطيك الدروس اللي تفيدك وعتبرها
مير انا ماني بمثلك للعرب دايم ضحيه=قلبي اقسا من جبال طويق والنير وحجرها
سعود العصيمي
ابك انا شلفاى كم فارس تورده المنيه = عط دروسك واحد يحتاجها والا اختصرها.
مانته ابمثلي وانا ماني بمثلك فالقوية = الجموع اضدها واللي سواتك ماقدرها.
عبدالله الاصعر
لاتقوله ثم خلـق الله تحملـك الزريـه=لومعك شلفا غزيت القوم والله في ديرها
انت كيف اتبدل الحسنه يابوطايل بسيه=تجحد اللي يوم ضدتك العدا قام وحشرها .
سعود العصيمي
ماعليه من علومـك يالعضيانـي رزيـة=وانت ماناحرت يوم القوم ناحر لك نحرها.
وين ابا احصل دواء لاهل الخلايا المنجلية=علة مايوجد لداها دوى يشفي ضررهـا. .
عبدالله الاصعر
بعد مات العيه اصبح في عتيبةرجل عيـه=كل ليل يطيح ودميه تحـت علبـاه ترهـا
المرض فيك انت وعلاجه مع اهل الصيدليه=مير لا تسري بليله غاب عن وجهك قمرها .
سعود العصيمي
عزتي لك يالعميل اللي سواليفك كذيـه=حفرة ماطاح فيها غير رجالٍ حفرهـا.
استرح لازيد كية قلتك عشريـن كيـه=الطيور البرق ماتشبه لشيهان بصورها .
| التوقيع |
اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا.
ماني على قربه شفي والاّ على بعده شفوح = الله خلقني مااعترض من صد من كل الملا.
|