خوي السعد=
تعال ياسعود ياللي ماعلاك اختـلاف=ياشاعر(ن) تضبط الوزنات والقافيـه
عيني تلاحظ ربيع الارض بعد الجفاف=الله يديم الفـرح والخيـر والعافيـه
سعوود العصيمي =
انته خوي السعد وانا ثيابـي نظـاف=لكن سولـف وخـل ثيابـك نظافيـه.
انته نشوفه وكم غيرك من الناس شاف=ياعارفـه كلبونـا نـاس عرافـيـه.
خوي السعد=
الله يقصاك وش حدك علـى الانحـراف=وانا بصـدري علـوم اثقـال وخفافيـه
ان كان ياصاحبي ما اكملت شوط الطواف=وش عاد ينفع حرامـك فـوق الاكتافيـه
سعوود العصيمي =
من يضمن الخط للساري بليا انعطاف=عطنا علومك ولاتخلف بالاوصافيـة.
الياعرفنا من انته مالحقنـا كـلاف=وانته شدادك محول فوق الاردافيـه.
خوي السعد=
ياسعود بعض المعايا والله انه يعـاف=وانا ترى اقولها من بـاب الانصافيـه
لاتنجرف خلف مخطين الطريق انجراف=حنا هل الاوله من مـاض الاسلافيـه
سعوود العصيمي =
الوقت مجنون والايام شهب وعجاف=وانا مازلت قدم رجلـي بمحرافيـه
ماني براضي عليكم ياصحيبي خلاف=وعلومنا مع رجال المعرفـه وافيـة
خوي السعد=
بعض العرب ودك انه ياخذ الانصراف = يتعب ورى المقفيه ويخلي اللافيه
ياسعود بعد الخطا ماحلاك يالاعتراف = الله يعافيك بعد الكلمه الشافيه
سعوود العصيمي =
بعض العرب ياصحيبي ماعليهم حساف = حتى ولو هم مشايخ وسط الاوقافيه
ياليت ابوزيد يوم إنه تشرف وضاف = مانكفّ قدام لانعلم بالانكااافيه