[خيال الصبيه]

نواف 2006



القصيدة حصلتها وللأسف ماعرفنا راعيها

شدنـي ليـل(ن) سـواده يعطـي العتمـه ظــلام=مستمد(ن) مـن سـواده ظلمتـه فـوق اعتمـه
مـا يعـرف النـور لله مـا يطيـق اسـم المـنـام=ولا يصـح إلا الصحـيـح ولا تفـيـد الجلهـمـه
قـال تفـزع لـو نخيتـك قلـت مــا فيـهـا كــلام=راح جـدي سبـة الفزعـه عسـى الله يرحمـه
قـال تكفـى ثـم سبقتـه يـا ولــد شــد الـحـزام=لعـن أبـو مـلا يلـبـي عـلـم صـامـل وافهـمـه
نضـرب العوجـا تعـدل غـصـب ولا باحـتـرام=صامليـن ولا علينـا مـن صمـل غـز اسهمـه
الـحـيـاة بـــلا مــعــزه ذل عــلــيّ الــحــرام=والرجل مـن غيـر عـزه ثـور طيبـه فشحمـه
والرخامـه مـا عرفـهـا وارتعـاشـات العـظـام=والله إنــي مــا عرفـهـا ولا تحـيـزم برخـمـه
قال أنا الصبح يغدر بي ودي أمشي في سلام=قلـت أنـا الصبـح يعرفنـي قــل تــرى بعلـمـه
قـال مـا أقـدر قلـت تقـدر لا تبـزوط فالنـظـام=كيف تنخاني وتمشـي هـو حـلا كيـف اطعمـه
الغبـاء نسـل الجهالـه والمتـر خصمـه جـرام=والطويل أخو القصيـر ودوك علمـي واكتمـه
الدقيقه بنـت يـوم(ن) جدهـا شهـر ابـن عـام=والمطر عبده شعيب(ن) كـل مـا جـاه الطمـه
والفحـل مـع ناقتـه والـكـل منـهـم لــه سـنـام=والحصان اعرف صهيله والفرس بالهمهمـه
ابتدا الصبـح ومشينـا وانسحـب زول العتـام=لــو ليـلـي مــا نخـانـي كــان مــا الله سلـمـه

أتمنى إنها أعجبتكم