سلطان الجـذع
مرحبا ترحيبةٍ تسوى لها شاعر لحاله = مثل ( ابن غنام + شعره اللي قال كله ) !!
كل ماتطلع عليه الشمس وانظر في ظلاله = قلت ابا اصبر عن قصير الظل لين يطول ظله !!
حاكم الغنامي
البقا بالشاعر اللي مكسبه من راس ماله =وراس ماله يعلم الله ..ويش كثره ..ويش قله
الله انه لايعودك يازمان البرتقاله =عقب موت الشيخ كلٍ فالبلد يبغى محله
سلطان الجـذع
كيف مع خفك تبا ترجح بميزان العداله ..!! = مااعتبرتك غير لغزٍ من ثلاث حروف حله !!
ماحسدت أهل الحجاز الا حصاةٍ في جباله = عن سماها مايغيبّن المصابيح المطله !!
حاكم الغنامي
الرشا مع خف وزنه قادر يدير المحاله=والبحر طامي ولوهو فاض راسي مايبله
ياعراوي كل قطعه فيك من صنع الوكاله=اذكر الله يالجذع لايغشي السواق خله
سلطان الجـذع
يتعب العالم بعلمه .. وانت تنعم بالجهاله = ماانت بمغيّر وصوف الصورة اللي فالمجلة !!
راسها فيه الخطام .. وديسها فيه الشماله = وقبل تثبتها بوسمك عطني اثبات الادلة !!
حاكم الغنامي
اثرك اللي من سمانا مايرى كبر البياله =ضاع دربك ولا انا عيني على دربي وادله
وش يهمك في بهارٍ فاحت بريحه دلاله =وانت لاشبيت نار ولامعك مزهب ودله
سلطان الجـذع
ياطويل العمر عين العقل تنظر من خلاله = لاغريبة ماتشاف مع النجوم ولا الاهله !!
لايكذب واقعه حاكم ويمشي مع خياله = مايسلمه الطبيب دواه .. لو مافيه عله !!
حاكم الغنامي
مشكله لاصرت دوبك بين عدلة واستماله =ماكفاك الميسم الي دافنه في وسط مله
انت يوم انك نزلت بديرتك مالك نزاله =غلطتك خالفت نهج اهل الوجيه المسفهله
سلطان الجـذع
كل واحد نظرته تحت قدمه يطرح عقاله = الله انه لايواخذني على شانك بزله !!
ياسهيل اللي جنوب الدار لاتزحف شماله = اليمن ينسبك لاسمه مير خلك مرقب له !!
حاكم الغنامي
فيك ميزه ..ماتعرف انك على بعضك سهاله! =ثم تطمن مالحقنا منك لوشكه وذله
يالجدي ماعاد بين المرزم وبينك زماله =انت وجهك للشمال وذاك مكه قبلتله
سلطان الجـذع
الله الله ياقمر نصف الشهر مدري هلاله = وش تورى كل ماطارت عن الخيل الاجله !!
كل شئ يهون مع حاكم لو انه شاف حاله = وانتبه للكلمة اللي سجلوها في سجله !!