يالجذع قوم بيني وبينك نقاش = والمناقش على سالفة لاتطيش
لو تروح الدلو مايفيد الرشا = يالجذع قوم بيني وبينك نقاش.
حرّر العطر من سجن بيض الغراش = لين يصبح شذا العطر ينعش نعيش
من ضمن لك غدا ماضمن لك عشاء = حرّر العطر من سجن بيض الغراش
سلطان الجـذع
لايروّعك صوت الرعد والرشاش ,,طير ياطير من يوم ضف إلك ريش = مااعتلى فوقك الا سحابٍ نشا ,,لايرّوعك صوت الرعد والرشاش
كيف ..؟ والحي مافيه غير العشاش ,, ومربط الخيل ياسعود نصه كديش = اكسر الساق لو في نحاها مشا ,, كيف ..؟ والحي مافيه غير العشاش
سعود العصيمي
صاحبك رجل ضرغام ماهوب لاش.،، ماني بمثل سلطان قلبه خريش = والله يدبر اللي بخلقه يشا،،صاحبك رجل ضرغام ماهوب لاش..
منهو اللي ينوش السماء مايناش،، استرح ياسليطين وسط العريش= لو تصيبك مصيبتك وسط الحشاء ،،منهو اللي ينوش السماء مايناش.
سلطان الجـذع
في نهار الوعد عاش سلطان عاش ,, عاش وسعود مااقول جعله يعيش = عنه . لا .لا وكلا. وليس وحشى ,, في نهار الوعد عاش سلطان عاش
ليت شاريك بريال باعك بلاش , يوم غيرت في مذهبك يالغشيش = تسمع دعاية الواشي اللي وشى ,, ليت شاريك بريال باعك بلاش
سعود العصيمي
الجذع لو حضر هوش ماقط هاش = فاضخٍ قلبه محمد ابن النخيش
صبح يوم امس شافوه يوم انغشى = الجذع لو حضر هوش ماقط هاش.
احسب انك تجيب الخبر مار ماش = ليش خليت علمك ودعواك ليش.
نوب شاطر ونوبٍ كما الاطلشى =و احسب انك تجيب الخبر مار ماش.