[الشاعر فهد رحيم النفيعي]

بسم الله الرحمن الرحيم
السلام عليكم ورحمة الله وبركاته
هذه قصيدة من نظمي بعنوان ( أربع سنين تمرّ ) وذلك بمناسبة مرور اربع سنين على تولي خادم
الحرمين الشريفين الملك عبدالله بن عبدالعزيز ال سعود والذي يوفق يوم الجمعة 26 / 6 /1430هـ

أربع سنين تمر

يا دولتي بالعز والطيب تحيين = ما دام أبو متعب يقود المسيرة
في وقفته ترجح جميع الموازين = يا ناشدٍ عنهم صقور الجزيرة
أربع سنين تمر ونقول يومين = والقادم احلى والمواقف منيرة
عالين في المنزال بالحيل عالين = ميقافهم معروف في كل ديرة
منزالهم في داخل الرمش والعين = واللي يعاديهم عيونه ضريرة
الله مكنهم على منهج ودين = نور الحياء شعشع و نور البصيرة
من وين أوصفهم إلى وين لا وين = على حدود الله حقٍ وغيرة
توحده في عام واحد وخمسين = مؤسس الدولة بخير وخيرة
يدعي لهم بالخير كل المصلين = مكة وطيبة والمواقف كبيرة
الله ثبتهم في العسر واللّين = تجاوز كل الدروب العسيرة
واليوم أمان وأمن عزٍ وتمكين = حكم الشريعة بالسيوف الشطيرة
يا دولتي بالعز والطيب تحيين = ما دام أبو متعب يقود المسيرة