أخي الكريم هل أنت تعلم الغيب عندما تتهم هذه الإتهامات للشعار ومايدريك أنهم هم مجهزينها من بدري لوكنت متابع للأحدث ومركز وتبحث عن الحقائق تعلم من مجهزها ومن حضرها مباشره
أولا : عبدالله المسعودي ماجاب التعجيز إلا وهو واثق بأن لو أحد رد عليه سوف يرد
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــ
ثانيا حبيب العازمي ماجاب التعجيز إلا بعد كان أمامه بكر الحضرمي والرياحي يلعبون وحاطين المعنى على حبيب بأنه شاعر عادي وأنهم هم العمالقه فقط
واللذي يدل أن حبيب غير مجهز البيتين مسبقا هي أبياته فهي تشرح ماصار أمامه في الملعبه وإستهتار الرياحي والحضرمي به
(صار اختلاف في العرب .. والسالفة فيها اختلاف *** فيها اختلاف ومشكلة لكن مدري ويش .. صار)
يقول صار إختلاف فالعرب والعرب هذي إسقاط على الرياحي وبكر بأنهم أختلفوا على قوة حبيب فواحد يقول أن حبيب شاعر عملاق وواحد يقول حبيب شاعر عادي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــ
ثالثا : قول بن شايق عجز صياف فهذه كذبه كذبوها على أنفسهم جمهور بن شايق وصدقوها وماهي أبيات بن شايق اللي عجز بها صياف هي بيتين على أربع وقفات ولعب عليها صياف مع خلف بن هذال ولعب على المثومن بعد
يقول بن شايق :
مرحبا بالشاعر الي يوم يوم شفته = ماطرالي غير شي مايطرا = وإن نشدتوني وقلتوا وش طرالك = قلت بن غانم وأبوزيد الهلالي
ماهو التعجيز فيها ؟؟؟؟؟؟؟؟؟؟؟؟؟
طبعا لايوجد تعجيز ولعب صياف عليها وعلى أصعب منها مع خلف مثل طاروق : أنتحى الليل والساري سرا وطاروق آخر ياسلامي على من حفظ نيته وإثبتت كلمته وإرتفع مستواه
وصياف أولا : ماأنتبه للبيت أن فيه أربع وقفات
رد عليه بهذا البيت:
الله أكبر يوم شفت الليل سرا ثم سرا = ياريالي لاتطب البحر الأحمر ياريالي
وبعدين بن شايق قال لصياف البيت على وقفات وقال صياف خلوها ومباشره من غير تحضير رد عليها بسرعة البديهه وهذا رده
الرد على كذبة التعجيز
صياف :
والله إني يوم شفت الشر عفته = وأنت ياليل الشرف ساري وساري = يالغليم كيف حالك كيف حالك = أنا لو أرجع وأردك فالجدالي
وأبيات صياف هذي:
سلام,في,معناه,خير,ولا,بعد,جاله,طليب==سلم,عليكم,من, يبا,الزام,وعجل,وابدا,السلام
سنام,قسمناه,غير,اللي,رقد,ماله,نصيب==تسلم,يديكم,من, سبا,دام,الجمل,فوقه,سنام
كانت في آخر الحفل ليست في أول الحفل على شان تقول مجهزها من بدري
وهو عندما رأى بن شايق يتخبط في الحفل ويسيء لصياف بكلام سيء وهو قامه شعريه وضيف عند قحطان أيضا ما رد على بن شايق بنفس إسائته لأنه بن شايق إعتبار المعزب جلس وحضر البيتين مباشره ثم وقف بن شايق عند حده وهذا الذكاء وحسن التصرف
فلا تقول شي أنت ماتدري عنه وهي موجوده عندي ابيات بن شايق ورد صياف عليها واللي يحاول يزور مايمديه
إحترامي....
آخر تعديل أبـوحرب يوم 14-Jun-2009 في 03:02 PM.