حاكم الغنامي
المعتصم عصره قديم وعاش بالعصر الحديث =وبغداد من جور الليالي غاشيتها غاشيه
الورث لو يسلم من عيون المشفح والوريث =يمدي ولد ثعلي يبيع ويشتري فالماشيه
المعتصم بالله
دايم علامات النفاق الكذب في بعض الحديث=واللعنه العظمى نصيب المرتشي والراشيه
الله ياشين الكلام اللي يجيك من الغثيث=يوشي له الواشي ويرخي اذنه لهرج الواشيه
حاكم الغنامي
الليث يابو زيد قدمه مايوقّف غير ليث =ماقول فيك قصور لكن دوب روحك ناشيه
انتم جنودٍ بالحرس وانا الفريق ابن غثيث=شيٍ طبيعي نطردك لاصرت ضمن الحاشيه
المعتصم بالله
ياليث ياللي كل ليل تمد كفك تستغيث=مع غيرنا مشيتها واليوم ماهي ماشيه
خايف عليك من الحسد لاتنظلك عين الخبيث=لكن انا بحصنك واقرى عليك الغاشيه