[فارس برقا]

معركة العويند واحدة من أشهر المعارك بين عتيبة ومطير وحدثت عام 1273 هـ

وكانت اولا المعارك الطاحنه بين عتيبه ومطير ولم يذكر قبلها سوا غزوه قام بهذا الشيخ تركي
على هذال بن بصيص وذالك لما فعله ابن بصيص بالشيخ تركي في معركة البديعه بين قحطان
وعتيبه عندما وعد الشيخ تركي بالوقوف معه ضد قحطان وعندما التحمت الجموع رجع ابن بصيص ليترك عتيبه لمصيرها وقد كان النصر حليف عتيبه:
يقول الشيخ تركي:

جانا الصعيري قال صولوا وصلنا = صلنا نحسبنه على راي تدبير
واثر الصعيري أبفزعته ماج عنا = واقفت ضعونه عقب ماهن مناحير

ويشير هنا الي الغزوه التي قام بها على ابن بصيص بقوله:

من عقب هذا لا مطير وحنا = لا قرب جد ولا بهم نية الخير
لكنهم يوم انجلا السو عنا = هذا طريح وذاك ذب المعابير
لي لابتن تشلع مع السن سنا = ان كان بالغارات والا الطوابير
ناس اليا حلو على القحص جنا = في منتهاه انزح النمر والزير

وقد قال لي الشايب الله يطول بعمره ان اخر بيت على هذا الشكل:

لي لابتن تشلع مع السن سنا = ان كان بالغارات ولا الطوابير
عتبان اليا حلو على القحص جنا = في منتهاه انزح النمر والزير

المعركة :

رأى الدويش انفراد عتيبة بوسط نجد فجمع مطير علوى وبريه والتقت جموعهم بجموع تركي بن حميد على العويند في يوم تشيب فيه الولدان والتحمت الجموع وسالت الدماء وتناثرت الجثث وقتل من مطير الكثير ومنهم عدة شيوخ وانهزمت جموع الدويش.



المصادر: يقول ابن بليهد رحمه الله عن معركة العويند:

(واما الوقعة الثالثة فكانت بين تركي بن حميد ومعه رؤساء عتيبة الهيظل وبن جامع وجندهم عتيبة وبين الدويش رئيس مطير وانتهت المعركة بهزيمة مطير بعد قتال عظيم ، وهناك شجرة اعرفها بينها وبين ماء العويند كثيب الماء الذي يحيط بماء العويند ويقال لها شجرة ابي صفره أضيفت الى ابي صفره لأنه قتل عندها وهو من رؤساء مطير ") أ.هـ كلام ابن بليهد ج/1 ص 46



من القصائد التي قبلت في العويند الأولى ...

يـا راكب اللي ما ترقـع رهـوقـه = حرً على قطع أشهب اللال صبار
هاته ودنـه وانسـف الكور فـوقـه = أسبق من اللي يدهل العش بالغار
كـودً على عيرات الأنضا لحوقه = فـجً عضـوده مـا قـطع في رحـا الزار
وحسو الرويقي نسم النضو فوقه = والـحـسو قدامـك مـن الصيف مـعـتار
ملفاك شيخً زين الله وفوقه = ضيـف الله اللي يـكرم الـضيف والـجـار
ليا قال ويش النضو يا للي تسوقه = قـله مـن ابـن حميد يـوصلك الأخـبـار
رد البرا من فوق عقله خنوقه = وثـور ظـعنـهـم نـاحـرن عـقلـة الـجار
جونا بجمع جات علوى تسوقه = حـمرً على مـاوصـف الخشم سنجـار
جونا يبون العد والعد فوقه = ربـعٍ مـسقـيـة الـعدا كـاس الامــرار
خذنا الجمل والبيت والقين فوقه = وتـسعين لحية في حجا القوز ما سار
كم جادلٍ ريح العويدي نشوقه = مـن عـقـبـنـا قـامـت تـقـلـط لقصار
انه ضيف الله عن الورد فوقه = مير أبتـخص حتى تسمـع بـالاشـوار

ويقول بعض الاخوه ان هذه القصيدة في العويند الثانية
ولا اعتقد ذلك لان بالقصيدة ذكر بيت يقول فيه الشاعر ( ضيف الله )

ملفاك شيخً زين الله وفوقه = ضيـف الله اللي يـكرم الـضيف والـجـار

واضنه يقصد ضيف الله ابو لهب شيخ الشيابين في وقت الشيخ تركي


وقال ايضا الشاعر فهم الجنيبي العصيمي في قتل الفارس المسمى ابو صفرة الدويش

ياذيب عن جا ل العويند لا تغيب = من أشبعك ياذيب لا تنسى جزاه
ربع بابو صفرة وكل ابلج حبيب = شـيــخً نــوانـا بـالـبـلا والله بـلاه

والله اعلم

سؤال للأخ أبن مشيب
هل ضيف الله المذكور هو الامير ضيف الله أبو لهب؟؟