[ابن الهيلا f]

من قصائد ابن لعبون
حي المنازل تحيـة عيـن# لمصافح النـوم سهرانـه
والاَّ تحيـة غريـم الديـن# معسـر ووافـاه ديـانـه
منزل فريد البهـا والزيـن# عطبول مكحولـة اعيانـه
ودي بنسيانها ومـن ايـن# ينسـى محمـد لخـلانـه
اطيع انا في هـواه اثنيـن# سلطان قلبـي وشيطانـه
اتبع هواها من اين إلى اين# واحظى بشوفه ورضوانـه
وابغضت الادنين والاقصين# واحببت قومه على شانـه
يالايمي به شوين شويـن# ديـان قلبـي وديـوانـه
ما شفت برقٍ سري ما بين# ذيـك الحواجـب بليوانـه
وما ذقت مابي رماك البين# بيـن شفتيهـا و برهانـه
ومجدَّلاتٍ علـى المتنيـن# سافات خانه علـى خانـه
والبطن والخصر والنهدين# والعنق والعيـن وأوجانـه

ولا دعاك الولـع ياشيـن# دعوى المـدوه لظميانـه

وين اشتكى ما دهاني وين# مشـكـاي لله سبحـانـه
واقول يا أهل الهوي عزين# ما قال محسـن لعثمانـه