عقاب العنزي
ياسلام الله سلام ٍ ماتحصّل زيّـه = من هجوس الشاعر اللي ماانكشف مستوره
ياثبيت اوضاعكم فالساحه الشعريه = تنرثي من بعد طاح الشيخ ابو باكوره
قادح شرار
مرحبا ما بين حرّ الشمس ولا ّ الفيّه = من هجوس أفعالها وقت اللقاء مخبوره
يا عقاب أبلشتنا في حلّقتك هاذيه = نفسها ما تنتغيّر بالشكل والصوره !!
عقاب العنزي
البقا بااصحابنا اللي مجدهم عاريّه = بعد ماكانوا على وجه الزمان اسطوره
مشكلة جمال عبدالناصر ( القوميّه ) = خلته بعد التحالف قايد ٍ للثوره !!
قادح شرار
كان قدمتلك حسنة لا تقدم سيّه = لأجل ما أخذ بك على ريع الندامه دوره !!
ومشكلة امعمر القذافي ( العقليّه ) = ما يثمّن هرجته لا قابل إخوة نوره
عقاب العنزي
الكلام اللي وصل بالنشره الجويه = اضحك العالم واضحك من على المعموره
هد روعك ياعميلي لاتعدّى الميه = قدم قرص الشمس لايحجب عليكم نوره