[وائلي]

اخوي الفراتي هناك اسر طيايرة وهم حضر مثل اسرة الطيار بالزلفي وغيرهم في مدن المملكة وهم تجار يرجع نسبهم الى طيار عنزة وهم على علاقة مع بعضهم البعض .


قال كنعان الطيار في مهرته عندما اخذ مقاسات جسمها واكتشف ان هذه المهرة اللتي يبحث عنها .

طـابقـتها ورباعـــها مـا بعد صــــار //// تاطى على صم الصخر ما تداريه

ابوها جذبته من هل الحصن مختار /// وامه غدت بالطير من كف راعيه

نبغى عليها (بــهجّـة) الزمل مشوار /// لعيون مجمولن تلاعج خزاريــه

ونبغى عليها قمعة الجمع لا سـار /// لوهو شريف وطبلة الروم تتـلـيه

وقال كنعان الطيار

[

يا شوق ما مثلك لمثلي يقول أوّ = وأنـا علـى قربك كثير الحسايف
مـا ينفع المشتاق لو قلت له لوّ = عطشـان يشرب من قراح الشفايف
وجـدي عليكم وجد من ضاع بالدوّ = بالقيـض وأفخت موميات السفايف
أو وجـد من لـه بكـرةٍ عاسفه توّ = صوابـها بالقلب ما هـو مسايف
أو وجـد من لـه بكرتين ٍ على بوّ = سرابـهن مـع تالي الليل حايف
أو وجد من لـه هجمتن طلعة الضو = قفوّا بـها الطمّاع صارت عرايف
أو وجـد من له غرستن صابها نـوّ = ضـرب الـبرد خلاّ جناها نتايف

وله أيضاً : في معركة خاضها وحدهـ وقد هزم اعدائه

يقـول الوايلـي قيلٍ وكـادي = معانـي مـا لها شـيٍ يشادي
تراهـن يطربن صوت المغنـّي = إلى من ردهن لا هن جدادي
ألا يا راكبٍ مـن فـوق عوصى = سنامه نابـيٍ وسـط الشدادي
سـراهـا (للبواسل) لا تقيـم = وبلّغهـم مع البـيضا سـوادي
أصبحـنا وصبّحتنـا جـمـوع = بـخيـلٍ مثل سيعـان الجرادي
جـوني عيلـةٍ يـبغـون ذودي = وذودي كلهـا ورث الجـدادي
يبون الناقـة الملحـا ( وضيره ) = عليـها مثل منكوس الفـرادي
( وراودة ) ناقـة الخطّار تبهـل = تـهـجّع كنها يـمي تنادي
تـراها كـل مـا تسمع مدوّه = تـفجّع مـن معاليـق الفوادِ
ألا… ما اهبلك يا باغي نياقي = وانا من دونـهن فوق الجوادي
مغـذاةٍ على حـب الشعـير = ودرّ الخلف طلـقٍ ما يـزادي
ظهرها مـا يزيد عـن الـذراع = سريعـة موج أباهرهـا سنادي
قوايـمها كمـا عمـد الحديد = ولـه صـدرٍ كما باب البلادي
وحاركهـا كما السبع المويـق = علـى الطليان بايـام الكدادي
واذانـيهـا كما كافـور غيد = وعينـه نـار شبّـت بالحمادي
وذيلٍ مـثل منقـوض الجعـود = يـغذّى بالشمطري والزبـادي
وجبهتها كمـا وصف الطلاحي = ومنخرهـا كما كيـر الستادي
وتـاطى بالثـلاث مـوثـّقات = وعلى الأربع كما الادمى تقادي
زمالـت خيـّرٍ تدنـى لسرجه = مـدنـّاتٍ كما فحل الهدادي
ولا تركـب على لعـب المصنّع = ولاهـي للـزز يـوم العيادي
تـزها اللـبس باليـوم الكبـير = نـهار الـكون تذخر للطرادي
عليها فـارسٍ يـرخص حياتـه = يـنوض اليـا سمع حس المنادي
معي سمح الكعوب من البلنـزا = إلى اهوا يودع الصامل بجادي
وضجّ نـزول زينات العـيون = وخيلٍ نـوخت لي باحتشادي
وعـرجـد نـزلهن وانا ذراهن = وصاحن مالـهن غيري عضادي
مخموصات المـواطي والبطون = مـن المطعـوم ما مـالحن زادي
ومـرّيت الغـرو وضّاح الجبين = تنخـى ولا نـخت غيري سنادي
نـور البيـت بالِمقدِم تـصيح = وترجـي فعل حـرٍ بالـهدادي
وانا لعيناك يـا نـجلا العيون = تحلّـي فعـلنا وقـت الهجـادي
وعيـنا بـكرةٍ حلـوٍ لبنها = ترعـى مـا نبـت نبت العرادي
رديـت الكمين علـى المغيـر = كمـا سيـلٍ حدر من بطن وادي
وخيـل الطهر قـادن للهجيج = ونـخـوا فـوزان حمّاي العوادي
وقفـّن بالبواسـل هـاربات = وقـادوا عجّهن غـوش الردادي

وهناك من قصص كنعان الطيار الكثير