[غالب الذيابي]

مرحبا بكم اعضاء المنتدى.. هذه محاورة جرت بيني
وبين بدر السحيمي الحربي. اتمنى ان تنال على رضاكم.

غالب

سلام من شاعر يطول الجزل ويحل العقـد=لاهل الخزامى كاسبين الطيب والعلم الجميل
الوقت خلا الغث له سوق ومحبيـن وبلـد=وقتٍ قنب ذيبه وشيّخ راعي الذيل الطويـل

بدر

يامرحبا من شاعر(ن) يبني وبنيـه بالعمـد=بصاحب اللي فيه عدل وفيه بعض احيان ميل
والله مانزل سوقها لوكـان تكثـر فالوعـد=لابارك الله فيك ياوقت(ن) مشيخ لـك ذليـل

غالب

بعض العرب في ساحة الميـدان خلـوه وقعـد=لولا فزوع(ن) جات من عسفان مدري من طفيل
الله يا حامـد يخلـي لـك ولـد عمـك حمـد=على الاقل انه تحلـم يغمـد السيـف الصقيـل

بدر

بعض العرب ماينزل الميدان واشوفه شهـد=والى بغى يسير يدور له من اصحابه صميل
اللي تجيب الناقصه تبشر بحبل(ن) من مسد=هذا الحصيل ان كان ودك يالعتيبي بالحصيل

غالب

مانته بهاك الفارس المقـدام تـوك فالمهـد=لو حملوك الحمل تبرك في محلك ما تشيل
الله يمسي مسفرة بالخير لـو هـي فالحـد=خلت من التاريخ علمٍ(ن) ينقله جيلٍ(ن) لجيل

بدر

اكثر علوم اهل الهـوى ماتنوخـذ ماتعتمـد=ياكم رجـل(ن) نحـده ثـم يعطيهـا مسيـل
جـات الفريسـه لصقرقـدام ميعـاد الهـدد=جاته من اللي يطلم العايل و يعط الضيف حيل

غالب

اشوف عزمك عقب هاك الهيلمة ضعف وبرد=وهذي عوايد من يروغ ان حسه الدرب الطويل
لطامة العايل عطوك دروس ما تعطى لاحـد=وان ماقعد قلبك بعدها فالوكـاد انـك هبيـل

بدر

نبا نرد السيف دام الناس هرج بلا جهـد=واخاطب الجاهل واسنده وانحيبـه قليـل
اتعبتني واللي زرع زرعه بيبطي ماحصد=لكن سوق السالفه مع غيرنا تلقى قبيـل

غالب

انته حدرت مع الشعيب وحظك اقشر وانقرد=وانا رقيت الضلع وانته ليلك المنحوس ليل
الحر الاشقر ستّل جناحة وبالحـوم انفـرد=للصيدة اللي قلبها يرجف ومدمعهـا يسيـل

التوقيع

: : : إذا الكريمُ رأى الخمولَ نزيلـهُ=في منزل فالحـزمُ أن يترحـلا كالبدرَ لمّا أن تضاءل جدّ فـي =طلبِ الكمـال ِ فحـازهُ متنقـلا سفهاً لحلمكِ إن رضيتَ بمشربٍ =رمق ٍ ورزق الله قد ملأ المـلا لا ترضَ من دنياكَ ما يدنيكَ من =دنس ٍ وكن طيفا جلا ثم انجـلا صفحتي على التويتر