حاكم الغنامي
ابدايتي يامرحبا يالابس العقد الفريد =تزهى بك اوّسمة الذهب وانته بعد تزهابها!
ام الكباير لآ عطت درب العجوز ام العبيد=نقدر نقول ان الفتن ترجع على من جابها
ابو لمار
الك البقا ياحاكم الغنامي الرجل الرشيد = اوسامنا عرف الرجال اللي تفتل اشنابها !!
انته تشوف ام الكباير في سرفها تستزيد = هذي السوالف ياعميل الخير صكوا بابها !!
حاكم الغنامي
يابو لمار انت انذبحت من الوريد ليا الوريد=في حزةٍ (عز القوايل) ماحسبت حسابها
من لانهج نهج العرب في جامعتهم وش يريد =شكره على حدب السيوف اللي جويد نصابها
ابو لمار
شكرك على البندق وحدّ السيف ياعبدالحميد = لكن خيمتك الكبيره لاتهدّ اطنابها !!
انته مدير الجامعه لكن لك قلب" بليد = لابارك الله في المدير اللي نكب طلابها !!
حاكم الغنامي
دام الرساله واصله لاهنت ياساع البريد =اهم حاجه مايهون المزحمي كتابها
انا مديرالجامعة وانته يادوب انك معيد =يابو لمار (الكلمه ماعرفت اعرابها)
ابو لمار
ياصاحبي حاكم مادوّر للذكاه الا الهريد = والدار ياحاكم نعرف انمورها وذيابها !!
النار شبت بالحطب وتقول ياهل من مزيد = وانته تدني في الحطب للنار ياشبابها !!
حاكم الغنامي
الزاهد بعيشه زهيد اما انت في حالك زهيد =هذاك يرضا بالخشب وانت اللحا ترضابها
تدري وش اللي يمنع الرجال لآسل الحديد؟ =نظرة حزينٍ دمعته بلّت سدول اهدابها!!
ابو لمار
اللي زغره ابليس لايمكن يهيد ولا يبيد = ادخل على الله قول لي بعض العرب وش صابها !!
السيف عانه في يدي يقطعك يالراس العنيد = الحرب للفرسان يوم الخيل من ركابها !!