سعود العصيمي
سلامي على اللي مرويٍ مقدم الزان = ذريب اليمين اللي علومه ذريبه.
والا ياعتيبه كل رجلٍ وله شأن = ومايكتبه حظه لابده يجيبه
معجب العتيبي
هلا مرحبا ترحيب وافي ومليان=عدد ما ذِكر بالطيب ربعي عتيبه
والا ياهل المعنى ترا حظكم زان=وكلٍ بياخذ في حياته نصيبه
سعود العصيمي
يدوم البقاء والعلم فالشيخ راكـان=بعد لد عينه يـم اخـوه وقريبـه.
وعقبه ضربه عقاب بالسيف شامان=لكن قول لي وش قصته مع صحيبه
معجب العتيبي
زمان العجايب والمشاكـل والاحـزان=يفرّق يابـو طايـل حبيـب وحبيبـه
ليا صار لك صاحب عسل ذرب الايمان=علامك تـدور فـي حياتـه مشيبـه
سعود العصيمي
ترا اللي يحاول تفرقة بين الاخوان=يبا يأكله ذيـب الخـلا ويغديبـه.
صحيبي كما معجب ومرزوق حمدان=ومن بان عيبه فالزمن ماعتزيبـه
معجب العتيبي
ليا شفت مثله طق خشمه على شان= يفارق علومٍ في عتيبه غريبه
ماودك يابو طايل نغير بالالحان=ابا انشدك عن غيره وربي حسيبه
سعود العصيمي
انا ماعليه منه لوكان ماكان = يموت الضعيف وصاحبك مادريبه.
تفضل وهات العلم ياطير حوران = وربك يخلص طالبٍ من طليبه.
معجب العتيبي
هل الوادي المذكور ياسعود عربان=لكن بينهم شايب يسمى مصيبه
اشوفك معه جاملت في بعض الاحيان=مع انه ختم والختم مليان ريبه
سعود العصيمي
هل الوادي المذكور ربعٍ وجيران = وانا مااشتم اللي له مقامٍ وهيبه.
ماجامل ولااقولك فالعلم غلطان = لكنك تأكد قبل لاتدعي به.
معجب العتيبي
وانا ماطلبتك حرب في وسط ميدان=انا اقول بعض الهرج هو وش يبيبه
لايدخل متاهت حرف وكتاب ولسان=ترا الناس ماترضى الغلط والغليبه
سعود العصيمي
وانا قولك فالناس مبصر وعميان = وبعض العرب مامعه مايلتهيبه.
أنا قلت الك وين انت رايح على وان = ولاارضى كلامك دام محدٍ رضيبه.
معجب العتيبي
نبي نردع المخطي ونكسب به احسان=لعله يعيش ولابه اللي يعيبه
عليّ النصيحه لو زعلتوا ياذيبان=وكلٍ يبا يلقى دواه وطبيبه