[نامي]

هذه القصيده ردا ًعلى قصيده لغازي ابن مغيران الزغيبي
يقول غازي :

الساحه اللي ماتوقى عن العيب = من جاء لها صيورها تستضيفه

رد الشاعر كديميس

غازي غزا الساحه بعدة مشاذيب = وانا محشني من بعضهن شظيفه
ومحش رجال ٍ يلحقون المصاويب = في ساعة ٍ على المحول كليفه
ولو كان سوى للعذاريب تنقيب = واتعب ورى جمع الدوادي عسيفه
مايطرح الشاره رصاص ٍ مكاذيب = ولا ترفع الرايه يمين ٍ ضعيفه
اما القناة وماسرد من مثاليب = لانه رخيص الهرج عيده وريفه
الساحه اللي ماخدشها عذاريب = من افضل قنوات البلاد العفيفه
الها برامج مستمره بترتيب = وتبحث عن الشي المفيد وتضيفه
وتستقبل اللي يفعل الطيب بالطيب = وتاريخنا الماضي تجدد ارشيفه
اما اللقاء السابق سؤلات ومجيب = وضيق صدور اهل العقول الخفيفه
خلى الحروب يشرَفون المذاريب = وامست بهم نجد العريضه قصيفه
شيخانهم واعيانهم واللواعيب = تقول غازيهم اجيوش ٍ كثيفه
وسووا لهم عبر اجهزتهم مناجيب = من سيف ينبع للسنابس وسيفه
وتخيروا وفدن يود ِ المطاليب = وفي منتداهم يعلنون اتعريفه
شلقة حروب وكل سبعه على جيب = وتجمعوا عند العقيد ابمضيفه
وعقب السلام المتبع والتراحيب = فعل لهم حسب التقاليد ضيفه
وقالوا تقدمنا لملفا المراكيب = امير نجد اللي بوادي حنيفه
العام قلتوا راع عند الحنازيب = ومكانته في مجتمعكم طفيفه
واليوم حطيتوه شِيب ٍ ولد شيب = وفي مشيختكم صار عنده وظيفه
وقلتوا ترى له ماكر ٍ في الشناخيب = وجده وابوه اشراف وامه شريفه
مره تحطونه يقود الجناديب = ومره يقدم للصويتي عليفه
وقوم النفاعي لا عوا الذيب للذيب = دقلاتهم جمع المعادي تخيفه
ورادة الحوض الذحاحي اليا هيب = ومفرقة شمل الوليف ووليفه
تفرح بهم في الضيق حرش العراقيب = اليا تواجهة السرب في الحتيفه
وببيوتهم للضيف قدر ومواجيب = اليا ركبت غبر السنين المحيفه
يضيفون اضيوفهم شمخ النيب = ليامن ولد اللاش شح برغيفه
وبعض الضيوف ان صار شمات ورغيب = يكفيه من تالي الكرامه غريفه
وان كان تذكر طالع القطش وعضيب = وسبيل وعزيّز وهايس كنيفه
وبدر الحويفي وابو مرداح وشعيب = واللي بعث له للحويفي صحيفه
وسعود ومساعد وعردان وهديب = وابن دفيلج فازع ٍ مع حليفه
ونايف وبادي وابن خشمان وكليب = وحبيب ورغيان راع القطيفه
والحثل واللي لحيته كلها شيب = وتركي وابن نفجان راع اللفيفه
لو فيه لجنه تعتني بالهناديب = وتعطي الجوايز للرجال الحصيفه
ليا قيموا ضرب الرماة المعاطيب = مية رصاصه ماتعادل قذيفه
وانته سلاحك من دقاق المشاعيب = ولامنك ياراعي المشاعيب خيفه
مالك صلاح ابمظلمات السراديب = لنك ظلوعك ياالزغيبي انحيفه

للمعلومه : انه ايام تبادل القصائد بين الشاعر كديميس والحروب


مر ذكر اسم حجاب بن عبدالله بن نحيت في قصيدة المحدار التي اثارة


ثائرت حرب عندما استمعوا الى جزءبسيط منها فعندما ذُكر حجاب بن

نحيت في القصيده المذكوره

ذكر الشاعر كديميس انه من أمراء حرب فردوا عليه الشعراء الذين كان

بينهم وبين الشاعر كديميس مساجلات وقالوا انه ليس من امراء حرب

ونفوا عنه لقب الأماره وقالوا انه حربي عادي وانه راعي من رعيان


حرب فعندما ذيعت القصيده في قناة الساحه وقاموا الحروب بتشكيل

وفد لتقديم شكوى لأمير منطقة الرياض وقالوا ان الوفد بزعامة الشيخ

زياد ابن الشيخ حجاب ابن نحيت..... بشأن تناقض اقوال الحروب وجب الإضاح


مره يقولون راعي ومره يقولون امير!!!!