[بن مناش الهراني المقاطي]

ماعاد لي في نجد ياصاح محبوب .. والشرق احبه واحب اللي يوده
راع الهوى ياصاح سارت به دروب .. اللي نهبني عريبن خاله وجده
غرون حسين الوصف مافيه عذروب .. تنبت بساتين الزهر فوق خده
وشفاه لون الشمس في حزة غروب .. والعين نجلا ومايس الخصر قده
ومن حبها يا صاح والله ما توب .. لو كل عاذل صار ضدي ضده
هذا كلامي شاهد وصار مكتوب .. اني رهين وصايرن ملك يده

آخر تعديل بن مناش الهراني المقاطي يوم 27-May-2009 في 12:26 AM.