العازمي
ياعلي سماك العصيمي بعد ماسماك ابوك= مار العقيقه وحّده فالاوله والتاليه!!
شاعر ولاينقصك غير انّك تخاوي للملوك = اللي خزاينهم من الالماس ماهي خاليه!!
علي فلاح العضياني
إسمي علي و انته عسى الله يرحم اللي عقّبوك=تطرح عقالك يوم تنظر فالنجوم العاليه
أنا غني و لاّ انت لو إنّك تخاويهم عطوك=كنز القناعه راس مالي و السواير غاليه
العازمي
ياشاعر الهيلا سمي العود مافيها شكوك= لاتبلع المره يابن ثعلي سوات الحاليه!!
انا ليامنّي ضربت اوجع ترى لافض فوك = راس الغنا مايلتفت يم العظام الباليه!!
علي فلاح العضياني
ما همّنا يا عيد لو تزرع بدرب شعيل شوك=و انته سعودي مار وصفك يشبه الايطاليه
اسمع كلام الصدق منّي لا تسمّع علم اخوك=و تصير دلوٍ يصطفق من جاليه في جاليه
العازمي
شعيل يالثعلي مردّه في ترابيع الشبوك= كانه من ءجمالٍ خلقها الله بلاجماليه!!
هذا شباب الجيل الاتلى فالهوى يملك بنوك = 200 منهم ماترجّح كفة المكياليه!!
علي فلاح العضياني
يا عيد جعل الله يقاك من إلتماسات السلوك=الكهربه لو تلتمس بك تنتهي طوّاليه
ترى العوازم وخّروك و فالطلب ما قدّموك=ما باس ,, ياللي فوق راسك تضرب الامثاليه
العازمي
دام انحرفت الراس راسي والسما ليلٍ حلوك= روس الكفوف البيض يالثعلي تنوش الصاليه!!
حنا توخرنا لياصار الهدف كسب الوروك = ولا انت تفزع لوّفالك ماقفاه عقاليه!!
علي فلاح العضياني
أنا جمالي ترتكي للحمل و جمالك بروك=من بعد شدّينا عليهنّ الحمول ثقاليه
يا عيد يابعد المسافه من عفيف إليا تبوك=و حنّا مكاسبنا تراها أضعاف راس الماليه
العازمي
ماجفّت اقلام الحقيقه والكتابه جوف بوك = الا ليا جات الفعول تعاكس الاقواليه!!
عندك على قو الفعل من تالي الدنيا صكوك = مايستوي مجد المحاكم مع هل الافعاليه!!