السلام عليكم ورحمة الله وبركاته
اعزائي اداره ومراقبين واعضاء وزوار هذا المنتدى الرائع بكم جميعاً
اسف على الغيبه واليكم هذه الابيات المتواضعه للتواصل ارجو ان تنال ستحسانكم
جراح لو تدري عن الي جرالي=في داخل اسواق القمر عصر الاثنين
شفت الجمال وشفت زين الدلالي=مزيونةٍ تسحر قلوب المحبين
ساعة نظرته قلت يا هم لالي = والقلب زاد النبظ وسط الشرايين
مقدر اوصف زينها بالكمالي=الله خلقها فارقه في المزايين
من شافهاطنش جميع الغوالي=وقدام بيت الزين يدفع ملايين
لكن ابذكر بعض ما سم حالي= اذكر هدب عينه وقوس الحجاجين
وغصنٍ ليا من الهوى هب مالي=يلعبه الغربي بوسط البساتين
والصدر بانت به ثمار مدالي= ما ناشها الا ناعم الخام بلّين
وخصرٍ مقوس ذاب فيه الجمالي=وردفٍ نبى شلع ثيا ب اريش العين
ما عاد اميز بين يمنى وشمالي=حارة قدم رجلي ولاادري على وين
بس ادرجه بلعين وابغى السؤالي=ابنشد المجمول واخذ عناوين
لكن طبع السوق معطى مجالي= وانا نشف ريقي وصدري براكين
من يوم شفت الهندي الي قبالي=في داخل الدكان ويهرًج الزين
قفت بعد ما حاسبت بالريالي= واخذت من الهندي اغراض وفساتين
الله يجازيها على ما جرالي= والله يكافيها شرور الشياطين
وســــــــــــــــــلامتكم